Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sulmi në xhaminë në Norvegji po hetohet si akt terrorist

Politiko 11 Gusht 2019, 20:54
Sulmi në xhaminë në Norvegji po hetohet si akt terrorist

Policia norvegjeze e trajtoi sulmin në një xhami të Oslos si një akt terrorist. “Nga hetimet që kemi bërë ka rezultuar që autori i sulmit ka pasur pikëpamje të ekstremit të djathtë”, deklaroi sot një zyrtar i policisë së Oslos, Rune Skjold, duke iu referuar të dyshuarit, një norvegjez 20-vjeçar.

“Ai kishte qëndrime ksenofobe, kërkonte të hapte terror”, shtoi ai në një konferencë shtypi. Një person i armatosur hapi dje zjarr qendrën islamike Al-Noor. Një person që ishte i pranishëm në xhami ka arritur ta ndalojë sulmuesin, duke pësuar disa lëndime.

Disa orë më vonë, policia ka zbuluar trupin e një gruaje në shtëpinë e të dyshuarit duke çuar në hapjen e një hetimi për vrasje në lidhje me sulmin e kryer në xhami.

Policia norvegjeze njoftoi se trupi i gjetur në shtëpinë e autorit të sulmit në një xhami të Oslos ishte ai i motrës së tij 17-vjeçe. Akuzuar për tentativë sulmi terrorist, personi që ushqente pikëpamje të ekstremit të djathtë dyshohet gjithashtu për vrasje pas zbulimit të një trupi në shtëpinë e tij disa orë pas sulmit.

Udhëheqësi i operacionit policor, Rune Skjold theksoi se sulmuesi njihet si një person nga Norvegjia, i njohur për autoritetet, por që nuk kishte pasur ndonjë të kaluar kriminale.

Sulmuesi dyshohet se kishte vepruar i vetëm gjatë sulmit. Raportohet se vetëm tre persona kanë qenë brena në xhami gjatë sulmit.

Të fundit