Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Surprizat e Tv Klan nuk kanë mbaruar, Albert Dumani zbulon programin e ri që do të nisë së shpejti

Politiko 30 Tetor 2017, 20:39

Sezoni i ri televiziv që ka nisur në Tv Klan nuk i ka zbuluar të gjitha surprizat. Në një kohë kur pritet të fillojë transmetimin edhe “C’est la vie”, nën drejtimin e Marina Vjollcës, nga televizioni mësohet se së shpejti do të nisë edhe një reality show i pazakontë, por mjaft i suksesshëm në të gjitha vendet ku është transmetuar.

“The Farm” (Ferma) është një format mjaft popullor që mban firmën e kompanisë suedeze Strix dhe është shitur në më shumë se 40 vende të botës. I prezantuar edhe si ‘Survivor’ , ‘The Bar’ ose ‘Fame Factory’ në shumë ekrane, në bashkëpunim me kompaninë ndërkombëtare mjaft të njohur Endemol, formati do të jetë së shpejti edhe në ekranin shqiptar.

Fillimisht lajmin e bëri publik në një dokumentar për ABC News Aleksandër Frangaj, po pa dhënë shumë detaje për mënyrën se si do përshtatet një program i tillë në Shqipëri.

Drejtori i programacionit në Tv Klan, Allbert Dumani zbulon ekskluzivisht për revistën Class se projekti është drejt finalizimit dhe shumë shpejt do të nisë transmetimin.

Dumani rrëfen se Tv Klan, veç shumë projekteve të reja, ka në plan edhe formatin e njohur “The farm”, një formulë që pritet të tërheqë vëmendjen e të gjithëve.

I pyetur për kohën kur do të nisë transmetimi në ekran, Dumani thotë se do të jetë pranvera e vitit të ardhshëm.

Po ç’do të ketë të veçantë ky program?

Si asnjëherë më parë, kamerat do të montohen në një fermë me kafshë. Ashtu si në Big Brother, edhe në Fermë do të vendoset një grup prej 12 personash që do të jetojnë bashkë për një kohë relativisht të gjatë. Të gjithë konkurrentët do të garojnë mes tyre duke bërë të gjitha punët e bujqësisë dhe blegtorisë. Në fermë duhet të punojnë si çdo fermer normal, duke ushqyer kafshët, duke u shërbyer atyre, por edhe duke bërë të gjitha punët që kërkon toka dhe jeta në një fermë.

Për një periudhe kohe të vendosur nga drejtuesit, një nga “fermerët” do të largohet nga ferma, zakonisht pas një ceremonie që njihet si “Duel”. Në këtë fazë, konkurrentët garojnë jo vetëm për faktin sa janë përshtatur me fermën, por edhe për rezistencën e tyre fizike gjatë një kohe të caktuar. Në fund, është publiku që vendos se cili personazh do të largohet nga ferma.

A do të ketë personazhe të njohur apo njerëz të thjeshtë?

Kësaj pyetjeje, Dumani i përgjigjet me: “Po, edhe personazhe të njohur.”

Kureshtarë për të parë se si një pjesë e tyre mund të pastrojnë stallat apo si mund të mjelin lopët? Edhe pak muaj durim. Projekti finalizohet në fillim të vitit të ardhshëm. Të tjerat janë surpriza.