Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Ta harrojë ‘Salillari’ e babai i tij, s’ka punime pa na shlyer cen për cen”, banorët e ‘Astirit’ largojnë fadromat te ‘Unaza e Re’

Politiko 19 Nëntor 2018, 12:08

Ndonëse protesta e tyre është paralajmëruar të mbahet sot në orën 17.00, banorët e ‘Astirit’ kanë ndërhyrë herë pas here për të mos lejuar ndërhyrjen e fadromave të firmës ‘Salillari’, kompania që ka fituar tenderin për zgjerimin e ‘Unazës së Re’.

Siç duket edhe nga foto, fadroma është bërë gati për të ndërhyrë në shembjen e banesave që nisin nga “Pallati me Shigjeta” te sheshi ‘Shqiponja”, por nuk është lejuar nga banorët.

Në një prononcim për ‘News 24’, ata shprehen se kanë nisur të presin pemët e të largojnë ndriçimin, por nuk do t’i lejojnë.

“Ta harrojë Salillari e babai i Salillarit që këtu nuk punohet pa marrë lekët më parë, cen për cen. Po presin pemët, po sjellin makineritë, por ne nuk do t’i lejojmë. I bëjmë thirrje që të heqin makineritë pasi janë të gjithë pa leje”, u shpreh një nga protestuesit më aktiv të kësaj proteste të mbajtur prej 16 ditësh.

Nga ana tjetër, pasi Avokatja e Popullit, Erinda Ballanca doli në krah të banorëve, tre juristë kanë zbritur në terren dhe kanë nisur hetimet për rastin e gruas që denoncoi ‘live’ dhunën nga policia, si dhe për raste të tjera abuzive, duke ndjekur rrugën administrative.

Të fundit