Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Takimi në Washington, eksperti i njohur gjerman: Kosova dhe Serbia mund të jenë më afër marrëveshjes deri në fund të vitit

Politiko 22 Qershor 2020, 13:21

Takimi në Washington, eksperti i njohur gjerman: Kosova dhe Serbia mund

Ekspert i njohur gjerman për Ballkanin dhe bashkëpunëtor i Lartë i Këshillit të Politikave të Demokratizimit që përqendrohet në Ballkanin Perëndimor, politikën e jashtme dhe të sigurisë gjermane dhe evropiane dhe marrëdhëniet transatlantike Bodo Weber deklaron se Kosova dhe Serbia mund të jenë më afër marrëveshjes deri në fund të vitit.

Duke folur për takimin e pritshëm mes përfaqësuesve Kosovë-Serbi më 27 qershor në Washington, Weber thotë se nëse e krahasojmë me negociatat e mëparshme, raundi i ardhshëm i bisedimeve është edhe më i vështirë.

“Nëse e krahasojmë këtë takim me negociatat e mëparshme, të cilat ishin gabimisht të udhëhequra dhe krejtësisht jotransparente, nga kryenegociatorja e atëhershme e BE-së, Federika Mogherini, ky raund i ardhshëm i bisedimeve është edhe më i vështirë. Në procesin e bisedimeve të zonjës Mogherini të paktën e dinim përfundimin – negociatat për një marrëveshje përfundimtare, gjithëpërfshirëse. Dhe pas një viti ne e morëm vesh për agjendën e fshehtë të tre negociatorëve – shkëmbim territoresh. Për takimin e 27 qershorit ne në thelb nuk dimë asgjë, duke filluar me deklaratat kontradiktore të Grenell dhe presidentit Thaçi për agjendën – një marrëveshje në sferën ekonomike apo një marrëveshje gjithëpërfshirëse.

Në të njëjtën kohë, zyrtarët e qeverisë së Kosovës insistojnë që të kemi një platformë negociuese me parime të qarta dhe linja të kuqe, por në të njëjtën kohë insistojnë që ata nuk e dinë se çfarë do të diskutohet në Shtëpinë e Bardhë, por megjithatë kanë rënë dakord të marrin pjesë në negociata të tilla”, thotë Weber, duke folur edhe për rolin e BE në këtë proces.

“Shtetet e Bashkuara kanë luajtur gjithmonë një rol të rëndësishëm në dialog, por nuk mund ta udhëheqin atë – pasi nuk ka asgjë për t’i ofruar Serbisë dhe Kosovës afër asaj që BE duhet të ofrojë – nga mbështetja ekonomike dhe bashkëpunimi deri në anëtarësimin në BE. Unë mendoj se bisedimet e përgatitura dhe të bëra në mënyrë të njëanshme të z. Grenell mund të jenë vetëm një shqetësim më i vogël ose më i madh i rolit udhëheqës të BE-së. Z. Grenell në intervistën e tij të fundit për mediat kosovare këmbënguli që ai të koordinohej me Berlinin dhe Parisin dhe se ekziston një ndarje e punës midis SHBA dhe BE – edhe pse asnjëra prej kësaj nuk është e vërtetë”, thotë eksperti gjerman.

Në kushte të tilla, sipas tij “Në skenarin më të mirë që performanca e z. Grenell do të ketë ndikim të vogël shqetësues, ne mund të shohim në mënyrë ideale rifillimin e negociatave të drejtuara nga BE bazuar në një rifillim serioz – që deri në fund të vitit mbase mund të na çojë më pranë një marrëveshje përfundimtare”.