Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Takimi Rama-Merkel, gazetarja: Nuk është marrja e një Po-je basti i shqiptarëve

Politiko 13 Shtator 2019, 13:46

Gazetarja Sonila Meço ka komentuar takimin e sotëm të kryeministrit Edi Rama me kancelaren Angela Merkel në Gjermani, teksa theksonte se ishte në kërkim të PO-së për Shqipërinë sa i takon integrimit në Bashkimin Evropian.

Sipas gazetares, nuk është marrja e një Po-je basti i shqiptarëve, por mund të jetë i pokeristëve të pushtetit.

“Mes preokupimit të propagandës dhe varfërisë reale, kush ka ndërmend të mashtrohet nuk i bën derman as lobimi personal i Merkel, as shikimi premtues në shtrëngimin e dorës me kryeministrin shqiptar”, shkruan gazetarja Meço në një status në rrjetet sociale.

Statusi i plotë:

Në vend të një shpulle për kthjellim:

Shqipëria, me tri rajonet e saj (veri, qendër, jug) renditet më e varfra në Europë. Krahasimin e ka bërë Eurostat duke u bazuar tek të ardhurat për frymë sipas Paritetit të Fuqisë Blerëse në vitin 2017.

Propaganda ndërkohë është e preokupuar për të përçuar mesazhin e Merkel për Shqipërinë. Do lobojë personalisht? Do inkurajojë vendet anëtare të BE-së? Përcolli me buzëqeshje a indiferencë kryeministrin?

Propaganda e preokupuar nëse ka një marrëveshje Rama-Basha, kush doli i fituar, kush u zbyth, kush ia hodhi kujt, kush do bëhet kryetar parlamenti?

Mes preokupimit të propagandës dhe varfërisë reale, kush ka ndërmend të mashtrohet nuk i bën derman as lobimi personal i Merkel, as shikimi premtues në shtrëngimin e dorës me kryeministrin shqiptar.

Se nuk është marrja e një Po-je basti i shqiptarëve, që nuk kanë zgjedhje demokratike, që nuk kanë mundësi të zgjedhin e në atë pamundësi si të mos mjaftojë u ofrohen njerëz me të shkuar kriminale. Po kanë dëshmi përgjimesh për blerjen e votës, koncesione, në vendin ku shkelen parimet e barazisë përpara ligjit e që cënojnë hapur interesin publik dhe financiar të vendit, ku çdo ofertë e pakërkuar tymon korrupsion, ku cënohet liria e medias e ku vendasit janë më të varfrit në Europë.

Po-ja mund të jetë bast i pokeristëve të pushtetit, për njerëzit pa pushtet jeta nuk është as lojë e as fishë pokeri. Do pak kohë të kuptosh se të kanë marrë peng në një tryezë lojtarësh, por po u kuptua? As Merkel që lexon letrat nuk i bën dot nder njërit, apo tjetrit.

Të fundit