Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Taksat po përdoren për rroga”, denoncimi i ish-deputetes: Janë punësuar 250 persona shtesë në qarkun e Dibrës për fushatë

Politiko 30 Shtator 2020, 17:02
“Taksat po përdoren për rroga”, denoncimi i ish-deputetes:

Ish-deputetja e PD-së, Dhurata Çupi, ka bërë një denoncim teksa akuzon qeverinë se ka punësuar përkohësisht  250 persona shtesë në administratë, në qarkun e Dibrës.

Nëpërmjet një reagimi në Facebook, Çupi shkruan se punësimet e përkohshme elektorale janë mashtrime, ndërsa thekson se qarku i Dibrës po mpaket, sepse njerëzit po largohen.

Më tej ajo shton se sipas saj, qeveria po shpenzon taksat e qytetarëve të vjedhur të Dibrës dhe të Shqipërisë për t’i bërë rroga, për ata që mendojnë se do t’u mbledhin kartat e identitetit ditën e votimit.

Postimi i plotë:

Nga kanabisi tek emërimet artificiale në administratë për të gënjyer njerëzit me një vend të përkohshëm pune. Kaq është oferta e dëshpëruar e PS në Dibër për zgjedhjet e 25 prillit.

Punësimet e përkohshme elektorale po ndodhin në të gjithë Bashkitë e Qarkut të Dibrës. Në vend që të punojnë për interesin e qytetarëve, bashkitë po i shërbejnë inetersit të PS. Kanë punësuar 250 persona shtesë në administratë, në një kohë kur qarku i Dibrës po mpaket, sepse njerëzit po largohen.

Pa asnjë ide, pa asnjë plan të vërtetë punësimi, pa asnjë mbështetje për biznesin, po zhpenzojnë taksat e qytetarëve të vjedhur të Dibrës dhe të Shqipërisë për t’i bërë rroga për ata që mendojnë se do t’u mbledhin kartat e identitetit ditën e votimit.

Asgjë për qytetarët, asnjë shërbim për ta, ndërsa numri i të varfërve në këto zona rritet çdo ditë. Edhe ndihma sociale, si e vetmja zgjidhje për dhjetra e qindra familje, është hequr.

Punësimet e përkohshme elektorale janë mashtrime. Ato nuk e ndihmojnë Qarkun e Dibrës. Për banorët e saj dhe për të gjithë shqiptarët alternative e vetme realiste që rimëkëmb ekonominë është ajo e Partisë Demokratike. Fitoren e 25 Prillit nuk mund ta ndalë asgjë!

Të fundit