Tani mund të jeni dhe ju pjesë e klipit të ri të Dua Lipës, këtë e arrini nëse jeni kreativë ne TikTok

Dua Lipa ka ftuar të gjithë fansat në një sfidë mjaft interesante në TikTok. Këngëtarja me origjinë shqiptare po i jep mundësinë fansave të jenë pjesë e klipit të këngës “Levitating”. Ata që përgatisin një video kreative dhe të bukur duhet ta postojnë në TikTok me hashtagun  #Duavideo. Nisma e saj është ndërmarrë si pasojë e pandemisë së koronavirusit, e cila ka ngrirë jo vetëm industrinë e muzikës por edhe atë të kinematografisë.

 “Hej djema! Jam shumë e entuziazmuar t’ju them se unë jam duke punuar me një video muzikore për ‘Levitating’ dhe unë dua që ju të jeni një pjesë e tij! Pavarësisht nëse është koreografi, tutorial grimi, animacion, ajo fillon në TikTok. Merrni pjesë në sfidën #DuaVideo dhe ju ose puna juaj mund të përfshihen në videon zyrtare të muzikës. Unë nuk mund të pres që të shoh se çfarë do të prezantoni”, shkruan këngëtarja në Twitter.

I want my loves to be a part of my official video for Levitating. Check out the #DuaVideo challenge on TikTok to find out how💖 (T&Cs apply: https://t.co/okJFpjcq6k) pic.twitter.com/h87o6yR8qh

— DUA LIPA (@DUALIPA) August 25, 2020