Flash News

“Doja ta bëja…”, zbardhet dëshmia e shiptarit që vrau ish-gruan në Itali

Përplasen dy automjete në Korçë, një i plagosur

Foto/ Nënë e dy fëmijëve, kush është shqiptarja që u vra me thikë, ishte divorcuar para 3 vitesh nga autori

Itali/ 45-vjeçarja shqiptare vritet me thikë nga ish-bashkëshorti

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

Task-Forca në aksion për ujin e pijshëm, ndërpriten edhe 2601 lidhje të paligjshme

Politiko 20 Korrik 2017, 11:52
Task-Forca në aksion për ujin e pijshëm, ndërpriten edhe

Që  kur filloi aksioni për paligjshmërinë me ujin e pijshëm, Task Forca ka ndërprerë gjithësej 2601 lidhje të paligjshme, në 14 535 raste të evidentuara.

Vetëm në dy ditët e fundit janë verifikuar 790 raste të tjera dhe janë ndërprere 189 lidhje. Ndërsa në aty ku grupet e punës kanë vërejtur lidhje të paligjshme të ujit të pijshëm ose përsëritje të shkeljeve, janë vendosur gjobat përkatëse.

Puna e task forcës është përqëndruar në disa zona të Tiranës, si në: Farkë, Zall Herr, Petrelë, Babrru, Rr. “Mihal Grameno”, Rr. “Pashë Hysa”, Rr. “Siri Kodra”, Vilat Selitë, zona e Komunës së Parisit, Yzberisht, zona e Kombinatit, si dhe në linjat e transmetimit DN 700, DN 1000 si dhe në linjat DN 1200.

“Paralelisht me prerjen e lidhjeve të paligjshme, si dhe për disiplinimin e çdo rasti tjetër të abuzimit me ujin e pijshëm, është punuar edhe për lidhjen e kontratave të rregullta me UKT. Në dy ditët e fundit janë nënshkruar 216 kontrata të reja. Në total, numri i kontratave të reja ka arritur në 1557, si dhe është bërë e mundur nënshkrimi i 485 aktmarrëveshjeve për pagesat e ujit të pijshëm”, thuhet në njoftimin e bashkisë.

Specialistët e Ujësjellës Kanalizimeve Tiranë kanë punuar dhe në drejtim të vendosjes së matësve të rinj të ujit, ku gjatë dy ditëve në kryeqytet janë instaluar 286 të tillë, duke e çuar numrin e përgjithshëm në 2548 matës uji.

Bashkia e Tiranës u bën thirrje banorëve që të bashkëpunojnë si në rastet e denoncimit të çdo

rasti abuzimi, ashtu edhe në përdorimin me kursim të ujit të pijshëm. Në dispozicion të qytetarëve janë vendosur edhe dy numra telefoni pa pagesë, 08004488 të Ujësjellësit të Tiranës dhe atë të Bashkisë së Tiranës 08000888, për të raportuar problemet e furnizimit me ujë të pijshëm apo për të denoncuar rastet e abuzimit.

Të fundit