Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Taulant Basha vs Zagani-Nuhu; gjuha e njëjtë që kreu i Grupit të PS përdor për të sulmuar zyrtarët e policisë

Politiko 27 Shtator 2018, 10:57
Taulant Basha vs Zagani-Nuhu; gjuha e njëjtë që kreu i Grupit

Kreu i Grupit Parlamentar të Partisë Socialiste, Taulant Balla, ndodhet në një situatë delikate pas dëshmisë së nënkomisarit Emiljano Nuhu, i cili e akuzon se së bashku me kryebashkiakun e Krujës, Artur Bushi dhe deputetin Rrahman Rraja, e kanë kërcënuar me armë brenda komisariatit të Fushë-Krujës. Tre zyrtarët e lartë të PS kishin shkuar në komisariat për liruar djalin e deputetit Rraja, i akuzuar nga ish-e dashura për ushtrim dhune.

Por Balla ka reaguar duke mohuar akuzat dhe ka sulmuar Lulzim Bashën për inskenim. Duhet theksuar se gjuha që Balla ka përdoruar në reagimin e tij është pothuajse e njëjtë me atë që përdorte kundër Dritan Zaganit, kur ky i fundit denonconte ish-ministrin e Brendshëm, Saimir Tahiri, për lidhje me bandën e Habilajve. Historia Tahiri-Habiliaj tashmë është e njohur për të gjithë...

Reagimi i Ballës kundër Emiljano Nuhut:

Hedh nje i marre nje gure ne lume dhe 100 te mencur s'e nxjerrin dot, thote populli!

Por jo, kjo qe po shoh sot eshte me keq.

"Te mençurit" e dine fare mire cfare marrezie eshte kjo shpifje qe jane turrur ta pasqyrojne me nje zell te madh, vetem pasi e nxorra une vete!

Kjo sajese e ndyre dhe e verifikueshme pa veshtiresi nga cdokush qe publikon lajme, ka nje qellim te qarte: Te coje uje ne mullirin e prishur te Lulzim Bashes! Une s'kam shkelur as ne Kruje gjatë vitit te fundit dhe jo me ne komisariatin e Krujes i armatosur. Une e provoj lehtesisht ku kam qene ate dite qe maskarai i paguar apo i paturp apo te dyja bashke, ka bere kete leter per te perfituar azilin politik.

Dhe do ta provoj ne gjyqin e radhes qe do te kem me Lulzim Bashen per kete ceshtje. Raportet mjekesore nuk do ta shpetojne Lulzimin nga pasojat juridike te genjeshtrave te tij.

Ndersa disa mediave hiena qe ushqehen me mishra te ngordhur u kam lene Zotin se tjeter s'kam c'u them!

Reagimet e Ballës kundër Dritan Zaganit:

1.

E ftoj miqësisht Lulzim Bashën dhe Partinë Demokratike të heqë dorë nga heroi i tyre mediatik Dritan Zagani.

Nuk mundet që partia kryesore e opozitës të ketë hero një të dënuar me Vendim të formës së prerë “Në emër të Republikës” me 3 vite burgim.

Shikojeni vendimin!

Nuk pres që Lulzimi Basha dhe as PD të kërkojë ndjesë. Sepse siç thashë në mëngjes, të gënjejë është e vetmja punë që Lulzim Basha di të bëjë më mirë.

Por të betohesh për drejtësi mbi fjalët e një personi të arrestuar nga Gjykata e Krimeve të Rënda, bazuar në kërkesën e Prokurorisë së Krimeve të Rënda që në hetimin e saj ka konstatuar krimin e dekonspirimit (për llogari të një grupi trafikantësh) të një operacioni antitrafik të Policisë së Shtetit dhe më pas i dënuar nga Gjykata për largim nga vendi i qëndrimit të detyruar, kjo nuk është vetëm qesharake, por është shembulli më i qartë ku ka degraduar “vizioni” i PD për drejtësinë”.

E mbyllim këtu këtë debat, Lulëzim!

---

2.

Dje Lulëzim Basha u tha shqiptarëve se Dritan Zagani nuk është dënuar!

Madje sipas kryetarit të Frontit të Çorbës së Vjetër, prokuroria u dashka të hetojë policinë pse ka vepruar ndaj tij. Por ja që edhe këtë herë Lulezim Basha bëri atë që di të bëjë më mirë:

Gënjeu!

Për Dritan Zaganin Gjykata e Krimeve të Rënda ka dhënë masën arrest me burg, bazuar mbi kërkesën e Prokurorisë së Krimeve të Rënda që në hetimin e saj ka konstatuar krimin e dekonspirimit (për llogari të një grupi trafikantësh) të një operacioni antitrafik të Policisë së Shtetit.

Pas vendosjes së kësaj mase sigurie, Dritan Zagani është zhdukur për t’i ikur drejtësisë dhe është shfaqur më pas nga jashtë vendit, si heroi mediatik i Partisë Demokratike.

Denoncimi ndaj djalit të deputetit të PS, reagojnë aktivistë dhe gazetarë: Këtyre u duhen thyer hundët!

Të fundit