Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Të burgosurit e Peqinit kërkojnë amnisti të përgjithshme: Të përgjysmohen dënimet! Pas çdo vrasjeje qëndron faji i shtetit

Politiko 28 Shtator 2020, 12:01

Të burgosurit e Peqinit kërkojnë amnisti të

Të burgosurit e Peqinit i kanë drejtuar një letër Kuvendit të Shqipërisë, Presidentit të Republikës, Kryeministrit të Shqipërisë dhe ministrisë së Drejtësisë në të cilën kërkojnë amnisti të përgjithshme, përgjysmim të dënimeve dhe dënimet me burg të përjetshëm të ulen në 20 vite.

Të burgosurit e revoltuar shprehen se kërkesa e tyre vjen për shkak të situatës së rëndë ekonomike në të cilën ndodhen familjet e tyre. Në letrën dërguar institucioneve më të larta në vend, të burgosurit shprehen se shteti vetë ka qenë një ndikues i madh në krimet për të cilat janë dënuar pasi: “ai i pajisi të gjithë me armë, i nxiti për të prodhuar dhe trafikuar drogë, dhe më pas këtë aktivitet ta shfrytëzonte për fushata elektorale, pas pothuaj çdo vjedhjeje apo grabitjeje qëndron edhe faji i shtetit që nuk krijoi mundësira të tjera jetese, pas situatës absurde të burgjeve shqiptare, ku numri i të burgosurve për numër popullsie ia kalon dyfishit të mesatares së Europës, qëndron edhe faji i shtetit që e la sistemin e drejtësisë në duart e gjyqtarëve dhe prokurorëve të paaftë dhe të korruptuar.”

Letra e plotë:

Ne të burgosurit e burgut të Peqinit, duke marrë shkak situatën e rëndë ekonomike të familjeve tona, situatën e paprecedentë në gjykatat shqiptare dhe padrejtësitë e bëra nga sistemi i drejtësisë në këto tre dekada ku shteti vetë ka qenë një ndikues i madh në krimet dhe dënimet tona, pasi:

– pas pothuaj çdo vrasjeje qëndron edhe faji i shtetit që i pajisi të gjithë me armë,

– pas pothuaj çdo prodhimi apo trafikimi droge qëndron edhe faji i shtetit që nxiti këtë aktivitet për ta shfrytëzuar për fushata elektorale,

– pas pothuaj çdo vjedhjeje apo grabitjeje qëndron edhe faji i shtetit që nuk krijoi mundësira të tjera jetese.

– pas situatës absurde të burgjeve shqiptare, ku numri i të burgosurve për numër popullsie ia kalon dyfishit të mesatares së Europës, qëndron edhe faji i shtetit që e la sistemin e drejtësisë në duart e gjyqtarëve dhe prokurorëve të paaftë dhe të korruptuar ku më shumë se gjysma e tyre janë shkarkuar në procesin e vettingut, kërkojmë miratimin e një amnistie të përgjithshme ku:

1- Të gjithë dënimet e dhëna ndaj të burgosurve aktualë të përgjysmohen.

2- Të gjithë dënimet me burgim të përjetshëm të dhënë ndaj të burgosurve aktualë të kthehen në 20 vite burgim.

3- Të gjithë të paraburgosurit aktualë të kenë të njëjtat përfitime sa më sipër pas dhënies së vendimit nga gjykata.