Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Të gjitha mjetet për të mbrojtur teatrin”, Berisha tregon si do vepronte po të ishte në vend Ramës

Politiko 20 Korrik 2018, 22:10

“Të gjitha mjetet për të mbrojtur teatrin”, Berisha

Ish-kryeministri Sali Berisha është shprehur kategorikisht kundër shembjes së godinës së Teatrit Kombëtarë dhe ndërtimit të një ndërtese të re me kulla biznesi.

I ftuar në emisionin ‘Java’ në RTSH2, ai akuzoi mazhorancën se po kërkon të rrafshojë historinë ndërsa u shpreh se po të ishtë kryeministër atëherë do të merrte konstuktorët më të mirë për të restauruar godinën.

Më tej, deputeti i Partisë Demokratike shtoi se fundi i betejës për teatri është i lidhur me vendosjen në shina të demokracisë shqiptare.

“Teatri është çështje ndërgjegje, asgjë nuk ka të bëj me thelbin e identiteti sa ka të bëjë kultura. Unë them se Tiranë do ti qëndrojë mbrojtjes së teatrit me çdo çmim”, sqaroi ndër të tjera Berisha.

Pjesë nga intervista

Çfarë po ndodh me Teatrin?

Unë po u them me sinqeritet se në 28 vite në Parlament, dita kur kaloi ligji për Teatrin ishte dita më e shëmtuar. Po e them me sinqeritetin më të madh. Është një beteje 7 mujore nga artistët që janë ata që krijojnë për kombin. Por përballja me pushtetin është e turpshme pasi ky pushtet është mjeran. Artisët janë njerëzit e lirë, por si mund të përdoret fuqia e ekzekutivit ndajnë grupi që nuk ke tjetër, për tempullin e tyre, tempull që është një simbol kombëtar. Nuk mund të harrojmë se skena e Teatrit është skena më eprorja mbi të gjitha. Si ka mundësi që për këtë çështje të veprohet me urgjencë kombëtare. A ka mëndej në Shqipëri që mund të më thotë mua se ka urgjencë, përveç armiqësisë së Ramës me artistët që ka 20 vite që po ndodh. Është një rrafshim i historisë, unë po të isha në qeveri do merrja konstruktorët më mirë për të vendosur për atë ndërtesë.

Ishit ju doktor?

Unë nuk kam qenë kurrë për të shembur Teatrin.

Ju keni qenë për një ndërtesë tjetër për Piramidën?

Ajo është një ndërtesë për tu shembur dhe sot, është bërë për të fuqizuar faraonin shqiptar. Nuk di se çfarë qëndrimi do mbaj presidenti i republikës.

Presidenti e kthen njëherë dhe pastaj miratohet direkt…

Unë mendoj se opozitë duhet që të luftojë me çdo mjet për të ndalur atë ligj

Cilat janë këto mjete?

Unë nuk mund të them fjalën e fundit në fillim, por në mënyrë absolute Rama nuk po lë hapësirë tjetër vetëm të përballemi me të gjitha mjetet.

E kam dëgjuar këtë doktor..

Nuk e kam thënë asnjëherë këtë gjë. Këta nuk njohin asnjë kufi dhe nuk ka Gjykatë Kushtetuese qytetarëve u lind e drejta që të përballen me çdo mjet.

Ju jeni për një godinë tjetër teatri në Tiranë?

Të jemi realistë artistët nuk kanë qenë pa kushte. Aty ishte një arenë debati mes tyre. Artistët ishin njerëzit ishin njerëzit më të ndjekur.

Çfarë fshihet pas kësaj zhurme?

Është vetëm për kullat, se shteti mund të ndërtojë një teatër tjetër shumë të mirë diku tjetër. Ky teatër do bëj shekullin, do jetë shfaqja e shekullit aty do jetë një gjë shumë e bukur për kombin. Si mund të rrafshosh institucionet e tua.

Si e parashikoni fundit e betejës?

Fundi i betejës për Te4atrin është i lidhur me vendosjen në shina të demokracisë shqiptare. Teatri është çështje ndërgjegje, asgjë nuk ka të bëj me thelbin e identiteti sa ka të bëjë kultura. Unë them se Tiranë do ti qëndrojë mbrojtjes së teatrit me çdo çmim.

A mos i ka rënë Teatri një lloj barre për të zhvilluar një betejë më të madhe se një godinë?

Ka të bëj me një vend të tërë me një sistem të tërë. Kur bën me urgjencë ligjin për Teatrin nuk duhet të qëndrosh më.