Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Të gjithë aktorët në zbatim të marrëveshjes", ambasadori gjerman përshëndet miratimin e '5 Qershorit': Hap i rëndësishëm në rrugën drejt BE

Politiko 23 Korrik 2020, 18:18
"Të gjithë aktorët në zbatim të

Pas ambasadores amerikane, edhe ambasadori gjerman Peter Zingraf ka përshëndetur miratimin e marrëveshjes së 5 qershorit nga parlamenti. Përmes një komunikimi publik, Zingraf e ka cilësuar miratimin e marrëveshjes si një një hap të rëndësishëm në rrugën drejt konferencës së parë qeveritare në bisedimet me BE.

Ndërkaq, nuk nguron t’i kujtojë porosinë e Bundestagut për dialog të hapur me përfshirjen e të gjitha forcave politike në vijimsi.

Deklaratë e Ambasadorit Peter Zingraf:

Parlamenti shqiptar ka miratuar ditën e sotme ndryshime në Kodin Zgjedhor dhe ka implementuar kësisoj marrëveshjen e 5 qershorit të negociuar mbi bazën e rekomandimeve të ODHIR-it në Këshillin Politik.

Unë e përshëndes këtë hap të rëndësishëm në rrugën drejt Konferencës së Parë Qeveritare në kuadrin e bisedimeve të anëtarësimit në BE.

Në pikën e reformës zgjedhore të vendimit të tij të shtatorit 2019 Bundestag-u Gjerman fliste për një “dialog të hapur, ku të përfshihen të gjitha forcat politike”. Vendimi i Bundestag-ut është njohur nga të gjitha institucionet politike shqiptare në vend si një “Roadmap” për kalendarin shqiptar të reformave.

Ndaj u bëj thirrje të gjithë aktorëve që në zbatim të marrëveshjes, por edhe në ndërmarrjen e të gjitha hapave të tjera, të vijojnë më tej me dialogun dhe gjithëpërfshirjen. Reformat e thella në Kodin Zgjedhor sipas standardeve të OSBE-së dhe Komisionit të Venecias kanë nevojë për një përgatitje të thelluar të realizuar brenda një kohe të mjaftueshme dhe mund të kenë efekt prapaveprues mbi marrëveshjen e implementuar ligjërisht tanimë.

Të fundit