Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Të gjithë “të prekur” nga koronavirusi, ekspertët ligjorë apelojnë kujdes për bizneset dhe individët: Çfarë ndodh nëse shkelni ligjin në fuqi

Politiko 17 Mars 2020, 16:41

Pothuajse e gjithë bota është prekur nga virusi Covid-19 që tashmë konsiderohet si pandemi.

Gjendja e pandemisë u deklarua zyrtarisht nga OBSH (Organizata Botërore e Shëndetësisë) në të cilën vendi ynë është anëtar.

Nisur nga kjo gjendje çdo shtet i prekur nga situata është i detyruar të marrë masa të jashtëzakonshme të cilat ndikojnë tepër edhe në sektorin ekonomik.

Referuar ekspertëve ligjorë në Shqipëri biznesi vendas dhe i huaj janë të detyruar të zbatojnë masa në dy aspekte:

Detyrimin për zbatimin e akteve ligjore e nënligjore në fuqi (përfshi Aktet normative) që nxirren nga Këshilli i Ministrave dhe organet kompetente

Detyrimin për riorganizimin e brendshëm të biznesit në varësi të masave të marra.

Ekspertët ligjorë sqarojnë se gjatë përidhës që vendi po kalon si pasojë e koronavirusit, Këshilli i Ministrave mund të kufizojë të drejtat dhe liritë e ligjshme të personave fizikë dhe juridikë, gjë që sjell nevojën për vëmendje të shtuar sidomos nga bizneset.

“Këshilli i Ministrave, në rast nevoje dhe urgjence, mund të nxjerrë akte normative që kanë fuqinë e ligjit, për marrjen e masave të përkohshme. Këto akte normative i dërgohen menjëherë Kuvendit, i cili mblidhet brenda 5 ditëve nëse nuk është i mbledhur. Këto akte humbasin fuqinë që nga fillimi, në qoftë se nuk miratohen nga Kuvendi brenda 45 ditëve”, sqarojnë ekspertët.

Ata u bëjnë thirrje bizneseve që të konsultohen me legjislacionin në fuqi mbi detyrat e administratorit, ortakut të shoqërisë si dhe marrëdhënies juridike me të punësuarit.

Nisur nga kjo ekspertët tregojnë se pse është e rëndësishme që bizneset të ruhen nga akti normativ që ka hyrë në fuqi në vendin tonë në datën 15.3.2020, duke listuar penalizimet përkatëse me gjoba që sjell shkelja e tij.

Ndalimet dhe masat përkatëse për bizneset, shërbimet dhe individët referuar ekspertëve ligjorë

• Eksportimi i barnave dhe pajisje mjekësore- gjobë 5 000 000 (pesë milionë) lekë dhe iu sekuestrohet e gjithë sasia e barnave/pajisjeve mjekësore.

• Ndalimi i eksportit të barnave/pajisjeve mjekësore, deri në 6 muaj- autorizim të posaçëm të ministrit të Shëndetësisë dhe Mbrojtjes Sociale

• Zhvillimi i aktiviteteve publike dhe jopublike gjobë në masën 5 000 000 (pesë milionë) lekë për organizatorët dhe ndalimin e aktivitetit.

• Hyrja në shërbimet e urgjencës mjekësore- gjobë 500 000 (pesëqind mijë) lekë për shoqëruesin dhe/ose familjarin e pacientit.

gjobë 500 000 (pesëqind mijë) lekë për personin përgjegjës që ka për detyrë zbatimin e këtij rregulli

• Mos deklarimi i ardhjes nga zonat e prekura gjobë 700 000 (shtatëqind mijë) lekë

• Mos karantimi për një periudhë 14-ditore gjobë 700 000 (shtatëqind mijë) lekë

Mos zbatimi i urdhrit për vetëkarantinimin e detyrueshëm gjobë 700 000 (shtatëqind mijë) lekë

• Mosmbyllja e Institucioneve arsimore, çerdhet dhe kopshtet, publike dhe jopublike gjobë 5 000 000 (pesë milionë) lekë për institucionet arsimore 1 000 000 (një milion)lekë për çerdhet dhe kopshtet, publike/jopublike. Si edhe mbyllja e veprimtarisë për një periudhë 6-mujore

• Zhvillimi i aktiviteteve në ambientet e mbyllura të argëtimit për fëmijë e të rinj, palestrat, qendrat sportive, pishinat- 1 000 000 (një milion) lekë

• Mosmbylljen e bareve, lokaleve, restoranteve dhe klubeve 1 000 000 (një milion) lekë dhe mbyllja e aktivitetit për një periudhë 6-mujore

• Zhvillimin e aktiviteteve sportive, sociale, kulturore, ekskursionet 1 000 000 (një milion) lekë dhe mbyllja e aktivitetit për një periudhë 6-mujore

• Sigurimi i masave shtese të shërbimit postar për vazhdimësinë e shërbimit 1 000 000 (një milion) lekë dhe mbyllja e veprimtarisë për një periudhë 6-mujore

• Masa për ndalimin e grumbullimit të pacientëve në institucione të kujdesit shëndetësor, të poliklinikave, të spitaleve, publike e jopublike 1 000 000 (një milion) lekë dhe mbyllja e veprimtarisë për një periudhë 6-mujore

• Mosndalimin e qarkullimit të mjeteve të transportit, publik dhe privat, përfshirë automjetet private heqje të lejes së drejtimit për një periudhë trevjeçare bllokim të mjetit në zonat dhe oraret e përcaktuara nga organet kompetente

• Rritja e çmimit të shitjes të të gjitha mallrave dhe produkteve ushqimore, barnave, pajisjeve mjekësore dhe shërbimeve 5 000 000 (pesë milionë) lekë për tregtuesit me shumicë 100 000 (njëqind mijë) lekë për tregtuesit me pakicë dhe mbyllja e veprimtarisë për një periudhë 6-mujore

• Transmetimet audiovizive me më shumë se dy persona në të njëjtën studio televizive 1 000 000 (një milion) lekë bllokimit, të pjesshëm ose të plotë, të transmetimit nga media audiovizive si dhe bllokimi dhe/ose ndalimi i funksionimit të pajisjeve, pas marrjes së vendimit nga ministria përgjegjëse