Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

KRYESORE

Ekskluzive/ A do të jetë Bora 'First Lady' e Shqipërisë? Meta po konsultohet me ekspertë kushtetues

Politiko 19 Korrik 2017, 13:16

Ekskluzive/ A do të jetë Bora 'First Lady' e

Burime të sigurta të Politiko.al thonë 'po', ekziston mundësia që Bora, 19 vjeçare, vajza e madhe e Ilir Metës, i cili do të betohet si President i Republikës më 24 korrik të jetë First Lady (Zonja e Parë) e Shqipërisë. Meta ka kërkuar konsultën e ekspertëve më të mirë të jurisprudencës në Gjykatën Kushtetuese për të parë nëse një lëvizje e tillë do të ishte e këshillueshme dhe e lejueshme në terma ligjorë.

Historia e presidentëve shqiptarë e njeh një precedent të tillë, në kohën kur në krye të shtetit ishte Alfred Moisiu, Presidenti i ve, i cili zgjodhi të bijën, Rubenën, si Zonjë të Parë. Sigurisht, nuk është ky rasti, pasi bashkëshortja e Ilir Metës është shëndoshë e mirë, por pikërisht te gruaja qëndron edhe problemi.

Monika Kryemadhi nuk është thjesht bashkëshortja e Presidentit. Ajo ka marrë një rol politik të dorës së parë pas zgjedhjes si kryetare e Lëvizjes Socialiste për Integrim, parti e drejtuar që prej themelimit e deri në ditën kur u zgjodh President i Republikës, nga Ilir Meta.

Kryemadhi mund t'i lozte të dyja rolet pa shumë mundim në planin organizativ apo logjistik, por jo në planin politik. Rekuizita presdidenciale e mveshur nga parimi i barazlargësisë nga palët do të 'infektohej' nga Zonja e Parë njëherësh kryetare e një partie politike.

Ilir Meta kërkon të shmangë pikërisht këtë, dhe kjo është aryseja e parë se pse ai do donte që të 'kurorëzonte' të bijën si Zonjë të Parë. Një arsye e dytë ka të bëjë edhe me menaxhimin e marrdhënieve publike të Presidencës. Një Zonjë e Parë 19 vjeçare, e bija e Presidentit, do të thoshte shumë për komunikimin duke e rinuar dhe bërë trendy Presidencën shqiptare e cila ka qenë përherë e ngathët si makinë e 'public relations'. Për Borën vetë do të ishte trampolina më e mirë për një karrierë të ardhshme politike, duke e fuqizuar edhe më shumë 'klanin politik Meta'.

Të mos harrojmë edhe benefitet e Zonjës së Parë.

Kushtetuta e përcakton se Shqipëria është Republikë parlamentare dhe si rrjedhojë kompetencat e Presidentit nuk janë aq të gjera sa në republikat presidenciale apo gjysmë-presidenciale. Në dispozitat ku përcaktohen prerogativat e Presidentit, Kushtetuta sanksionon se ai është Kryetari i Shtetit, dhe si i tillë gëzon një sërë të drejtash dhe privilegjesh që derivojnë nga këto dispozita të Kushtetutës. Kushtetuta përcakton se Presidenti nuk mund të ushtrojë veprimtari private, të jetë antar i ndonjë partie politike; por në të nuk përmendet "Zonja e Parë".

Pra, Zonja e Parë, në kontekstin kushtetues nuk është institucion kushtetues, por nuk do të thotë se legjislacioni shqiptar nuk e njeh Zonjën e Parë, duke i dhënë asaj një sërë të drejtash dhe privilegjesh. Në Paketën e projektligjit për Reformën në Drejtësi, konkretisht Pr/l për Presidentin e Republikës së Shqipërisë, në një nga dispozitat e saj, përmenden edhe garancitë shoqërore në rast sëmundjeje apo aksidenti të Zonjës së Parë. Gjithashtu, ajo gëzon privilegje të tjera udhëtimesh, dietash, mosprezence në punë etj.