Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Të lënduarit nga gazi lotsjellës, Mjeku i QSUT rendit pasojat dhe këshillon si t’i shmangim pas ekspozimit

Politiko 27 Shkurt 2019, 07:52

Edhe pse policia nuk ka dalë ende me një deklaratë për numrin e të lënduarve nga protesta para parlamentit, Bardh Spahia nga radhët e PD sqaroi dje se kanë mbetur të plagosur 13 protestues, mes tyre edhe gra.

Shumë prej tyre patën probleme si pasojë e gazit lotsjellës i hedhur nga policia për të shpërndarë turmën.

Mirëpo, mjeku i QSUT Tritan Kalo, nisur edhe nga rastet e shtuara kohët e fundit në urgjencë me pasoja të tilla, ka renditur një sërë këshillash se si të shmangim efektet e tyre pas ekspozimit.

Statusi i plotë:

JAM mjek dhe njëkohësisht qytetar i këtij vendi….Çdo njohuri mundet të jetë e dobishme….GAZI LOTSJEDHËS është nje mjet i përbotshëm, i cili përdoret nga agjencitë ligjzbatuese, forcat e ruajtjes së rendit për të kontrolluar trazirat e mundshme të shoqëruara ose jo me akte dhune, si dhe për të shpërndarë turmat e demonstruesve…..EFEKTET e gazit fatmirësisht janë të përkohshme për organizmat humanë si dhe ato lehtësohen disa orë pas ekspozimit ndaj tyre…..A - Simptomat kryesore të ekspozimit ndaj gazit lotsjellës janë: 1- kruajtje, dhimbje e djegie e syve, e hundës, e gojës, dhe e lëkurës; 2- ndjesia e marramendjes; 3-kufizimi i shikimit; 4- rrjedhje të lotëve, të hundëve si dhe shtimi i jargëve; 5- kollitje e vështirësi në frymëmarrje, disa herë e shoqëruar me ndjesinë e mbytjes; 6- çorientimi, konfuzioni e shtimi i panikut apo i zemërimit. Në rast ekspozimi për nje kohë të gjatë ose ndaj dozave të larta të tyre mundet të kemi ndjesinë e djegies ose edhe vetë djegien e lëkurës. ….B - Si të veprojmë në një rast të tillë: Mbrojtja më ë mirë do të ishte të kishim me vete një maskë gazi, megjithatë në rast mungese DUHET të ndërmarrim disa masa për të ulur efektet shqetësuese të gazit lotsjedhës. Vendosni një shami të njomur thjesht me ujë para gojës dhe merni frymë përmes saj. Në rast se merni pjesë në një manifestim të paralajmëruar, mbani në një qese një napë të njomur me lëng limoni ose uthull dhe përdoreni kur ekspozoheni ndaj gazit lotsjedhës. Një masë e tillë ju jep kohën e mjaftueshme për t’u larguar nga vëndi i përdorimit të gazit-lotsjedhës pa i acaruar organet e frymëmarrjes. Syzet që përdoren për zhytje, për skijim, etj, janë një mjet i mirë mbrojtës i syve, Në mungesë të tyre merrni frymë brenda teshave tuaja (xheketë, xhup, triko), ku ka edhe një përqendrim më të pakët të gazit. Sytë i shpëlani më pas me solucion steril fiziologjik ose thjesht me ujë sa të largohet ndjesia e të krojturit, dhimbjes e djegjes së tyre. Lëkurën e ekspozuar laheni me kujdes me ujë të bollshëm dhe me sapun. Personat që kanë vështirësi serioze në frymëmarrje e kanë të nevojshme përdorimin e Oksigjenit të ofruar nga kryesisht nga Shërbimet e Urgjencave Mjekësore…..SHPRESOJ që këto këshilla mjekësore dhe miqësore njëkohësisht të mos ju nevojiten, POR jeta të ve përballë shumë situatave shpesh jo të dëshirueshme ose të pëlqyeshme…DITË të MBARË!!!