Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E SHPJEGUAR

S’ka zgjedhje për Kryesinë e PS/ A e shmangu Rama votimin për shkak të hatërmbetjeve mes deputetëve?

Politiko 9 Tetor 2020, 18:45

S’ka zgjedhje për Kryesinë e PS/ A e shmangu Rama votimin

Partia Socialiste nuk do të zhvillojë zgjedhje për Kryesinë e re.

Ky vendim u bë publik sot në mbledhjen e Asamblesë së PS, duke shtyrë kështu mandatin edhe për një vit për anëtarët aktualë, përfshirë këtu edhe ish-kreun e bashkisë së Durrësit, Vangjush Dako, i cili është shpallur 'non grata' nga SHBA pas akuzave për korrupsion.

I pyetur për këtë fakt nga gazetarët, Rama u përgjigj, por duke mos përmendur asnjë fjalë për vijimin e mandatit për Dakon.

 “Tani kemi tre punë për të bërë ndër të tjera. Së pari, vazhdimin intensiv të punës së nisur në komunitete, vlerësimin e anëtarëve të PS tre herë, në një herë që e lëmë fleksibël sa të përfshihen të gjithë, bashkë me nëntorin, janar dhe shkurt për skuadrën e deputetëve në cdo qark.

Në platformën që kemi krijuar për të gjithë familjen tonë politike. Vlerësimin për qeverinë që nga unë ministër nga anëatëria e PS me të njëjtat cikle dhe hapim derën tani edhe për këdo në Shqipëri a emigracion që mendon se ka arsye të shprehë interesin për të qenë pjesë e PS, deputet.

Ne kemi një task-forcë që mblidhet një herë në javë veç punës online me drejtuesit e qarqeve, ndaj Kryesia është gjëja e fundit që më shqetëson në këtë momentn dhe shtrirja e mandatit na lejon të kemi fokus të njerëzit dhe jo vetja brenda për brenda”, u shpreh Rama, i cili u pyet sërish nëse është shmangur votimi i Kryesisë së re për të shmangur hatërmbetjet mes deputetëve të PS.

“Jo, është çështje fokusi, harmonie, e nevojave që kemi dhe kryesia pak a shumë janë ata që janë zgjedhur dhe që kryejnë detyra dhe s’ka asnjë problem”, u përgjigj Rama.

Lista e anëtarëve të Kryesisë së PS:

Edi Rama
Taulant Balla
Gramoz Ruçi
Ditmir Bushati
Mimi Kodheli
Eglantina Gjermeni
Vangjush Dako
Fatmir Xhafaj
Valentina Leskaj
Niko Peleshi
Lindita Nikolla
Evis Kushi
Erion Veliaj
Damian Gjiknuri
Blendi Klosi
Erion Braçe
Armando Subashi
Arben Ahmetaj
Olta Xhaçka
Pandeli Majko
Vasilika Hysi
Ermonela Valikaj Felaj
Ulsi Manja

Të fundit