Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Të qeshura në dRamën e "zisë" nga Porta a Porta

Politiko 5 Dhjetor 2019, 14:16
Të qeshura në dRamën e "zisë" nga Porta a Porta

nga Zef Zefi

(ekstrakt Rai. ora 00)

Personazhet:

Rama- President i Këshillit të Ministrave, (Albanez)

Sgarbi-supi ku duhej të mbështetej kaptina e Ramës për të qarë

(Italian) Alba. -bija "e rigjetur" e Sgarbit, mbasi për më shumë se pesëmbëdhjetë vite, fshehur nga Kozeta albaneze (Albano-italeze)

Vespa- shefi i Porta a Porta, (Italian)

Unë- Sufler nga divani italian (atdhe-mohuar)

Sgarbi; I du albanezët. I kam mbrojtur përherë nga zërat e këqinj. Po e dini ju ç'ka i kanë bërë këtij të ziut...si etiopian me mjekër të bardhosur?

Vespa; Jo.

Sgarbi: Ata jo vetëm që i kanë ngarkuar detyrën e piktorit abstrakt, po i kanë thënë që në kohë pushimi duhet të bëjë edhe kryeministër. ...Të mirë albanezët, jo ashtu siç ishin. Qe ku e kam bijën time albano-italeze. (I hedh dorën në sup cucës në krah) Termeti përkul malet, po jo shqiptareshat. Sidomos kur sopranojnë... nëpër lirika.

dRama: Ç'morrit me thonj mjekrën, mrrol sytë dhe si burrave në zi që s'brendshmi, loti lotin nuk ia ndal, suspensum... Shqiptarët e dinë, po roli konsiston në atë që ta mësojnë italianët se burrat albanez sidomos ata me mjekër, nuk qajnë nga dhimbja, po nga inati. Dhe ajo që e bën me inat, dmth që ia grin shpirtin burrit albanez, sidomos kur ka dhe mjekër, është pabesia: "eh Termet (pa Peç) he ta qafsha mamin...! "Në kanunin tonë, (të shpellarëve, shtova unë sufleri nga divani), -në kaptinën e parë e kemi të shkruar se shtëpia është e zotit dhe e mikut..." (Mjekra e zbëdhylët iu shpupuris prap nga një piskamë epike që donte të plaste si puçërr tërmeti në sipërfaqe. S'po e mblidhte dot "fiqirin" Ajo bariste si në delir. Ajo shkonte sa tek atmosfera gazmore e Parlamentit që qeshte me urdhër të tij me "kasandrën" e Presidentit për Termetin (pa Peç), po aq tek "kasandrat" e tjera të mushkonjave të drogës. Po goja duhej të thoshte tekstin për të cilin ishte aty.

-Dhe mos me i dhënë kurrë besë të pabesit...,- e nxori më në fund.-janë të pabesë termetet.(ta marrtë dreqi kokën, thashë unë nga divani i suflerit. Mos rrëshqit nga dRamaciteti. Dil atje ku duhet. Ec hidhu!) Po a lidhet ky mbas një teksti. Kurrë jo "E di çka jeni ju italianët,- ua plasi ndër sy italinëve batuten e stërpërdorur, mort-uari ynë me mjekër. E di unë ça jeni ju. Ju jeni të gjithë shqiptarë, jo të veshur me zhele si ata që drejtoj unë, po të veshur me "Versace".

Qeshi Sgarbi.

Qeshi mjekra.

Qeshi dhe Vespa.

Nuk qeshi vetëm cuca albano-italeze.

Suspense...

Ra perdja U mbyll dhe "Porta"

Të fundit