Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Teatri në pronësi të Bashkisë, reagon Vetëvendosja: Tentativë për të shembur trashëgiminë

Politiko 10 Maj 2020, 18:27

Teatri në pronësi të Bashkisë, reagon Vetëvendosja:

Lëvizja Vetëvendosje me qendër në Shqipëri ka reaguar për vendimin e qeverisë, e cila i kaloi Bashkisë së Tiranës pronësinë e Teatrin Kombëtar duke i hapur rrugë shembjes së godinës.

Përmes një postimi në Facebook, Vetëvendosja e quan vendimin në fjalë si një tentativë për të shkatërruar trashëgiminë.

VV kujton vendimin e “Europa Nostrës” e cila e futi Teatrin Kombëtar në listën e 7 objekteve më të rrezikura dhe qëndresë dyvjeçare të qytetarëve, dhe thekson nuk ka mbetur asnjë argument për ta shembur.

Vetëvendosja shprehet se do vazhdojë ta kundërshtojë shembjen e Teatrit Kombëtar dhe bën thirrje për fillimin e projektit të restaurimit të ansamblit ekzistues.

Reagimi i plotë

Nga Qeveria te Bashkia vazhdon tentativa për të shembur trashëgiminë

Vendimi i fundit i Qeverisë për t’ia kaluar Teatrin Kombëtar Bashkisë së Tiranës, është tenativa e radhës për ta shembur Teatrin ekzistues. Askush nuk është kundër ndërtimit të një teatri të ri në një vend tjetër, por tentiva për shembje tashmë është diskredituar. Teatri Kombëtar ekzistues, jo më larg se një muaj më parë, u përfshi zyrtarisht në programin e “7-të Vendndodhjeve më të Rrezikuara” të Trashëgimisë Kulturore në Evropë, shpallur nga organizata pan-evropiane “Europa Nostra”.

Ndryshe nga 6 vendndodhjet e tjera të trashëgimisë të përzgjedhura nga “Europa Nostra”, Teatrit Kombëtar rrezikohet pikërisht nga që autoritetet në Shqipëri duan ta shembin. “Europa Nostra” është deklaruar publikisht duke shpjeguar “shqetësimin e sinqertë përsa i përket vendimit për të zëvendësuar kompleksin e Teatrit me një ndërtesë të re bashkëkohore”. Organizata “Europa Nostra” nënvizoi vlerat e spikatura kulturore dhe arkitektonike të kompleksit të Teatrit Kombëtar, por edhe qëndresën dyvjeçare të qytetarëve për ta mbrojtur Teatrin. Pas këtij vendimi krijohen të gjitha mundësitë për restaurimin e ansamblit arkitektonik të Teatrit Kombëtar, dhe jo shembja e tij për të ndërtuar një tjetër në të njëjtin truall.

Pas qëndresës së gjatë të qytetarëve dhe shoqërisë civile në mbrojtje të Teatrit, pas vendimit të “Europa Nostra” për t’ia njohur vlerat Teatrit Kombëtar edhe ndërkombtarisht dhe marrë parasysh që ky rast është çuar në Gjykatën Kushtetuese, nuk ka mbetur asnjë argument për ta shembur Teatrin Kombëtar, i cili i ka rezistuar edhe çdo tërmeti. Deklaratat e pëfaqësuesëve të autoriteteve që thonë se një teatër i ri do ndërtohet me fonde publike dhe jo më me private, nuk e zgjidh as për së afërmi problemin. Problemi nuk ka qenë vetëm se projekti i mëhershëm synonte ta shembte TK përmes një PPP-je abuzive me kompaninë “Fusha”, problemi kryesor ka qenë vetë shembja. Me fonde private, apo me fonde publike, shembja e Teatrit Kombëtar është e papranueshme.

Vlerat e këtij ansambli arkitekturor shqiptarët i njihnin edhe para vendimit të “Europa Nostra”, prandaj ka qenë dhe mbetet ofenduese që përfaqësues të autoriteteve në Shqipëri të vazhdojnë t’i referohen këtij objekti të trashëgimisë kulturore me terma të cekët e zhvlerësues, që më shumë se për Teatrin flasin për vetë përfaqësuesit. Vlerat e ansamblit arkitekturor të Teatrit Kombëtar janë tashmë të njohura edhe në nivel ndërkombëtar, si trashëgimi e përbashkët evropiane. Zëri më kompetent evropian i vlerësimit të Trashëgimisë Kulturore njohu dhe mori në patronazh tashmë vlerat e ansamblit arkitekturor të “Teatrit Kombëtar” si pasuri kulturore evropiane e padiskutueshme.

Aktivistët e Lëvizjes VETËVENDOSJE! e kanë kundërshtuar prej fillimit planin për shembjen e Teatrit Kombëtar dhe do të vazhdojmë ta kundërshtojmë. Kërkojmë me ngulm fillimin e projektit të restaurimit të ansamblit ekzistues të Teatrit Kombëtar. Çdo tentativë tjetër për shembjen e Teatrit përbën shkelje të rëndë në formë krimi. Restaurimi ka qenë dhe mbetet e vetmja zgjidhje e drejtë në mbrotje të trashëgimisë materiale dhe shpirtërore.

Tiranë, 10 maj 2020

Lëvizja VETËVENDOSJE!

Qendra në Shqipëri