Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

TEC-i i Vlorës, Shehaj i përgjigjet qeverisë: Po përjashtoni kompanitë e huaja nga konkurrimi

Politiko 4 Janar 2019, 10:12
TEC-i i Vlorës, Shehaj i përgjigjet qeverisë: Po përjashtoni

Deputeti Agron Shehaj i është përgjigjur reagimit të bërë nga Ministria e Infrastrukturës dhe Energjisë sa i takon dhënies me koncesion të Termocentralit të Vlorës.

Shehaj thotë se sqarimi i dhënë nga ministria është fund e krye propagandë bajate duke shtuar se harron të përgjigjet për akuzat ndaj qeverisë.

Në postimin në Facebook, deputeti demokrat rendit sërish tre pika sa i takon mënyrës së organizimit të tenderit, duke ngritur dyshime rreth tij.

“TEC-i i Vlorës i ka kushtuar më shumë se 130 milionë euro qytetarëve shqiptarë dhe qeveria nuk mund t’i shpërfillë ata duke ju shitur propagandë në vend të sqarimeve se çfarë do bëhet me investimin e tyre”, shprehet Shehaj.

Postimi i plotë

Ministria e Industrisë dhe Energjisë ka bërë një sqarim të gjatë për denoncimin që i bëra tenderit për praktikisht privatizimin e TEC-it të Vlorës. Sqarimi është fund e krye propagandë bajate dhe “harron” të përgjigjet për akuzat ndaj qeverisë:

1) Qeveria e ka hapur tenderin ditën e festimit të Vitit të Ri, më 31 dhjetor 2018, dhe ka lënë vetëm dy javë kohë deri në 15 janar 2019, një javë nga të cilat është praktikisht pushim, që kompanitë e huaja të njihen me dokumentat e tenderit, të gjejnë interes dhe të sjellin një përfaqësues në Vlorë për një vizitë të detyrueshme në TEC, e cila është kusht për të marrë të dhënat dhe informacionin për të përgatitur ofertën. Kjo gjë e bën praktikisht të pamundur që në garë të marrin pjesë kompani serioze të huaja.

2) TEC-i i Vlorës do jepet në pronësi private për 20 vjet, pra praktikisht po privatizohet. Qeveria e fsheh këtë fakt pas fjalëve teknike të llojit të koncensionit ROOT, që në fakt në shqip do të thotë rehabilito—merr në pronësi—opero—transfero.

3) Tenderi po bëhet me transparencë zero, pasi as studimi i pretenduar i fizibilitetit dhe asnjë ndonjë dokument tjetër apo vlerësim kostoje nuk është bërë publik. Kjo mungesë transparencë, jo vetëm ul interesin për të marrë pjesë në garë, por bëhet me qëllim për fryrjen e kostos, siç është bërë edhe në rastin e koncesioneve të rrugëve.

TEC-i i Vlorës i ka kushtuar më shumë se 130 milionë euro qytetarëve shqiptarë dhe qeveria nuk mund t’i shpërfillë ata duke ju shitur propagandë në vend të sqarimeve se çfarë do bëhet me investimin e tyre.

 

 

Të fundit