Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Temperatura ekstreme në 50 vitet pasuese’, studimi i ri për ngrohjen globale: Do preken miliarda njerëz

Politiko 5 Maj 2020, 19:28

Nëse planeti vazhdon të ‘nxehet’ në nivelet aktuale gjatë 50 viteve të ardhshme, deri në 3 miliardë njerëz do të jetojnë në zona ekstremisht të nxehta, thotë studimi i ri për ngrohjen globale, raporton CNN.

Për mijëra vjet, njerëzit kanë jetuar brenda një klime të favorshme pwr aktivitetin jetik, me temperature mesatare që janë ideale për lulëzimin e produkteve ushqimore e kultivimin e bagëtive.

Në gjetjet e publikuara nga Akademia Kombëtare e Shkencave në Uashington, një ekip ndërkombëtar i arkeologëve, shkencëtarëve të klimës dhe ekologëve thanë që nëse emetimet e gazrave që bllokojnë nxehtësinë vazhdojnë me ritmin aktual, deri në vitin 2070 miliarda njerëz do të jetojnë në temperatura ekstremisht të larta, krahasuar me ato që kanë lejuar lulëzimin e jetës për 6000 vitet e fundit.

Për çdo 1°C të ngrohjes, 1 miliardë njerëz ose do të duhet të migrojnë në rajone më të ftohta ose të përshtaten me kushtet ekstreme të nxehtësisë, konkludoi studimi.

Tim Kohler, arkeolog në Universitetin e Uashingtonit dhe bashkëautor i studimit tha se këto gjetje mund të shihen si një rast më i keq ose skenari "i zakonshëm i asaj se çfarë mund të ndodhë nëse ne nuk ndryshojmë sjelljen tonë . "

Temperaturat po ndryshojnë dukshëm më tepër sesa në 6,000 vitet e kaluara

Duke përdorur të dhëna për temperaturat historike globale dhe shpërndarjen e popullsisë, studiuesit zbuluan se ashtu si speciet e tjera të kafshëve, njerëzit jetojnë më mirë brenda një "zarfi klimatik" të ngushtë.

Shumica e popullsisë së botës jetojnë në zona me një temperaturë mesatare vjetore midis 11 dhe 15 gradë Celsius. Një pjesë më e vogël në temperaturën prej 20-25 ° C përfshin zonat në Azinë e Jugut të cilat preken nga monoja Indiane - shirat vjetore që ujisin një pjesë të madhe të tokave të lashta jetike për prodhimin e ushqimit.

Çuditërisht, thonë shkencëtarët, njerëzit ja kanë dalë të jetojnë më së miri në këto kushte për 6000 vitet e fundit - kjo pavarësisht përparimeve të fundit teknologjike siç është ajri i kondicionuar.

Toka aktualisht është në rrugën e duhur për ngrohjen me 3 ° C deri në vitin 2100. Studimi sugjeron që për shkak se zonat e tokës po ngrohen më shpejt se oqeanet, temperaturat e përjetuara nga njerëzit ka të ngjarë të rriten me rreth 7.5 ° C deri në vitin 2070.

Ndërsa planeti ynë nxehet me shpejtësi për shkak të rritjes së emetimeve, temperatura e provuar nga një person mesatar parashikohet të ndryshojë më shumë në dekadat e ardhshme sesa ajo gjatë 6,000 viteve të fundit, konkludoi studimi.

Dhe mund të ketë pasoja të rënda për prodhimin e ushqimit, qasjen në burimet e ujit, konfliktin dhe përçarjen e shkaktuar nga migrimi.

Prandaj ky studim thotë se temperaturat ekstreme do godasin kontinentet e Australisë, Afrikës, Amerikën e Jugut kurse në Azi disa pjesë të Lindjes së Mesme po ashtu dhe Indinë.

Përshtati nga CNN, Politiko.al

Foto që demonstrojnë ndryshimet klimatike në botë