Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Tenderi për frekuencat, AKEP shpall fituese ofertën e Telekom 7.44 milionë euro

Politiko 25 Shtator 2019, 07:48

Tenderi për frekuencat, AKEP shpall fituese ofertën e Telekom 7.44

Më shumë se dy javë nga hapja e ofertave për procedurën e “Dhënia e të drejtave të përdorimit në brezin e frekuencave 800 MHz (792-862 MHz) spektër i paalokuar”, Ref. 1×10 MHz i çiftuar-800-2019” AKEP ka shpallur fituese ofertën e Telekom Albania. Në vendimin e AKEP që mban datën 20 shtator është marrë në analizë dokumentacioni i paraqitur nga Komisioni i Vlerësimit të Ofertave ku së pari sipas Këshillit Drejtues të AKEP, raporti përmbledhës i është në përputhje rregullat e zhvillimit të tenderit publik për dhënien e së drejtës së përdorimit të frekuencave.

Po kështu njësia e Hartimit të Dokumenteve ka parashtruar dokumentacionin përkatës për shqyrtim të çështjes sipas objektit, në përputhje me kërkesat proceduriale dhe ligjore të përcaktuara në legjislacionin në fuqi.

Së treti “dokumentacioni për miratimin e Raportit Përmbledhës të KVO-së dhe Njoftimin e Fituesve të Tenderit publik me procedurë të hapur me objekt: ““Dhënia e të drejtave të përdorimit në brezin e frekuencave 800 MHz (792-862 MHz)”, Ref. 1×10 MHz i çiftuar-800-2018”, është përgatitur në përputhje me kuadrin ligjor dhe rregullator përkatës. KVO, ka kualifikuar shoqërinë Telekom Albania sh.a, për 1 (një) të drejtë përdorimi – Bllokun A3 të frekuencave të brezit 800 MHz – (811-821 MHz) i çiftuar me (852-862 MHz), me vlerë të ofertës 7 441 000 (shtatë milionë e katërqind e dyzet e një mijë) Euro”.

Lidhur me këto Këshilli Drejtues i AKEP ka vendosur që të miratojë raportin e Komisionit të Vlerësimit të Ofertave si dhe njoftimin si fitues të shoqërisë Telekom për ofertën e bëra nga kjo e fundit ndërkohë që Njësia e Hartimit të Dokumenteve duhet që të lajmërojë tashmë shoqërinë fituese mbi këtë proces.

Tenderi për frekuencat u nis nga AKEP disa muaj më parë ndërkohë që u shty në kohë dhe vetëm në datën 9 shtator u hapën edhe ofertat.

AKEP ka dhënë deri tani dy të drejta përdorimi ne 800 mhz, teksa një e drejtë u fitua pak më parë nga Vodafone, po për çmimin 7.4 milionë euro. Gjithsesj janë tre të drejta përdorimi, pra ka mbetur dhe e drejtë e lirë.

Përdorimi i këtij brezi të frekuencave është në funksion të përmirësimit të cilësisë së ofrimit të shërbimit të komunikimeve elektronike për pajtimtarët si konsumatorë fundorë. Këto frekuenca do të mundësojnë internet të shpejtë për zonat turistike, rrugët nacionale, urat, tunelet, zonat e largëta, por edhe në zonat ekzistuese ku ka shumë mbipopullim. Monitor