Flash News

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

KRYESORE

“Tensionet brenda zyrave kanë çuar në deformime”, kandidati për kryeprokurorin e ri shpalos platformën në KLP

Politiko 13 Nëntor 2019, 14:00
“Tensionet brenda zyrave kanë çuar në deformime”,

Olsian Çela është kandidati i fundit që shpalos platformën para KLP në garën përballë Arta Markut dhe Fatjona Memçaj për postin e kryeprokurorit të përgjithshëm me mandat kushtetues.

Ndërsa është përfolur si kandidati më favorit, ai tha se duhet të forcohet pavarësia e prokurorëve, duhet të rritet transparenca, cilësia e hetimeve është e dobët apo se ka mungesë meritokracie për promovimin e prokurorët e rinj.

Duke u ndalur te pavarësia e prokurorëve, Çela tha se : “Marrëdhënia drejtues -vartës ka qenë një problem kryesor që prokuroritë janë përballur dhe shpesh kanë krijuar tensionet brenda zyrave që kanë çuar në deformime të caktuara , jo të vullnetit të prokurorit, por edhe nga interpretimi të ligjit, në mungesë të cilësisë së hetimit.

Ligji i ri synon që prokurorët të jenë vetvetja, mos të fshihen pas drejtuesit, PP, por të jenë përballë ligjit, gjykatës e opinionit publik. E shikoj thelbësore ruajtjen e kësaj pavarësie.

Ajo që konstatoj me shqetësim që prokurorë të caktuara nga liria që i jep ligji, duke patur sensin e protagonizmit nuk e menaxhojnë si duhet dhe kjo prodhon pasoja. PP duhet të ushtrojë monitorim konstatant, jo të ndërhyjë në cështje të caktuara, por të mbajë një sy hapur mbi çdo gjë që ndodh në shkallët e para dhe të apelit.

Mekanizmi do jetë përmes aksesit që do i krijohet publikut, me KLP, ILD, Dhomën e Avokatisë, do sjellë një bum informacioni në zyrën e PP, për identifikimin e rasteve kur prokurorët kanë shkelje disiplinore dhe PP i ka mundësitë që këto raste t’ja çojë në vëmendje ILD. Prokurorët duhet të jenë të përgjegjshëm”, tha Çela.

Të fundit