Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Tërhiqet Bushati; Selami me tone të larta kritika Bashës: Doni ta bëni Deja Vu si në ’95-ën?

Politiko 29 Prill 2018, 13:35
Tërhiqet Bushati; Selami me tone të larta kritika Bashës: Doni ta

Sot në Kuvendin Kombëtar të Partisë Demokratike ku të pranishëm janë 7500 anëtarë të Partisë Demokratike dhe do të vendoset për ndryshimet statutore, ka mbajtur fjalën dhe ish-kandidati për kreun e PD-së Eduard Selami.

Gjatë fjalës së tij, me tone të larta Selami kritikoi kreun e PD-së Lulzim Basha.

“Edhe në momentet më të vështira kur jemi ndarë me njeri-tjetrin, gjithmonë na kanë bashkuar vlerat e përbashkëta. Ne u bëmë shpresa e të rinjve shqiptarë dhe për të thënë të vërtetën nuk ka krenari më të madhe për ne. PD ishte atëherë promotore e integrimit. Ka një përputhje që kur PD ka qenë parti e vlerave, Shqipëria ka ecur përpara.

PD nuk ka pasur problem statuti. Nga 1995 ka problem me demokracinë e brendshme, ka problem me respektimin e statutit, jo me statutin. Në dhamë disa premtime të cilat nuk gjenden në projekt statut. Premtimi që ju dhatë që pas asaj fushate pas humbjes, do bënim një analizë të thellë. Janë tre humbje rresht. Që nga 1995 kemi një rekord shumë të keq, jemi 50%, 2 herë më pak në pushtet se PS-ja. Sepse nuk kemi vepruar si PD. Fatkeqësisht akoma po nxitojmë.

Ky është statuti më i keq që ka pasur PD. U premtua që do votojnë anëtarët se kush do i përfaqësojë në këshillat bashkiakë.

Dhashë platformën time. Megjithëse i shtrëngova dorën, brenda nesh u vodhën votat. Nuk ka qëndrim. A doni ta bëni si në ’95-sën,  Deja Vu?! Kjo nuk është rruga për shqiptarët...”, u shpreh Selami, fjala e të cilit u shoqërua me fishkëllima nga demokratët.

Po ashtu dhe Edvin Kukuri, kritik i Bashës,  lexoi propozimin e tij për statutin e ri të Partisë Demokratike.

Ndërsa Endira Bushati e cila më herët ishte regjistruar për të mbajtur fjalën,  është tërhequr.

Të fundit