Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Tërmeti merr vëmendjen e BE, raporti: Si do sigurohen paratë nga qeveria

Politiko 29 Janar 2020, 07:24
Tërmeti merr vëmendjen e BE, raporti: Si do sigurohen paratë nga

Tërmeti i 26 nëntorit është ngjarja që ka marrë vëmendjen në përmbledhjen që publikon Bashkimi Europian mbi vendet anëtare dhe zhvillimet e tyre më domethënëse. Në raportin periodik të tremujorit të fundit të vitit 2019, BE nënvizon se tërmeti shkaktoi humbje në jetë njerëzish, la të shkatërruara banesa dhe infrastrukturën.

“Me Bankën Botërore dhe Kombet e Bashkuara, Bashkimin Europian nisi një vlerësim të nevojave të situatës emergjente për të vlerësuar kostot e rindërtimit. Bashkë me ndihmën e parë emergjente Bashkimi Evropian alokoi një shumë prej 15 milionë eurosh për rindërtimin. Qeveria ka rishikuar buxhetin dhe do të vendosë një fond 150 milionë euro në dispozicion si dhe do të kërkojë mbështetjen e donatorëve në një konferencë që pritet të mbahet në 17 shkurt në Bruksel” thuhet në raport.

Sa i takon sektorit real dokumenti vlerëson se rritja ekonomike arriti pikun e saj në tremujorin e tretë me 3.8 për qind pasi regjistroi ngadalësim në gjysmën e parë të vitit. Rritja e formimit të bruto të kapitalit fiks u rrit në raport me tremujorin paraardhës por në terma vjetorë vazhdoi të tkurret me 1.9 për qind në tre mujorin e tretë më së shumti për shkak të mbylljes së punimeve në gazsjellësin TAP një projekt jashtëzakonisht i madh.

Lidhur me zhvillimet monetare raporti vlerëson se tendenca e mbivlerësimit të lekut ka vazhduar të ngadalësohet në tremujorin e fundit. Në 2019 leku fitoi vetëm 1.3 për qind në raport me euron nëse krahasimin e bëjmë me vitin 2018 kur ai u forcua në nivelin 7.2 për qind në vlerë në raport me euron.

Në sektorin financiar raporti vlerëson se pati një rritje të kreditimit në sektorin privat duke përshpejtuar ritmin nga 6.8 për qind në 8 për qind në tremujorin e tretë. Në veçanti rritja e kredisë për ndërmarrjet e vogla dhe të mesme ishte me 15.5 për qind ndërsa kreditimi i ndërmarrjeve të mëdha u ngadalësua në 1.7 për qind.

Në tërësi zbatimi i buxhetit është përmirësuar lehtë në raport me 2018 por pritshmëritë për të ardhurat dhe shpenzimet kapitale që ishin minus 3.3 për qind dhe 21.8 për qind në raport me planin me shumë gjasa nuk do realizohen sipas parashikimit. Monitor

Të fundit