Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Teuta fiton bindshëm ndaj Beitar Jeruzalem, kualifikohet në raundin e dytë të Europa League

Politiko 27 Gusht 2020, 19:14
Teuta fiton bindshëm ndaj Beitar Jeruzalem, kualifikohet në raundin e

Ekipi i Teutës ka arritur të kualifikohet në raundin tjetër të Europa League, teksa ka mundur me rezultatin e bindshëm 2-0, ekipin e Beitar Jeruzalem.

Skuadra e drejtuar nga Edi Martini mposhti izraelitët në sfidën e zhvilluar në “Niko Dovana”, të vlefshme për raundin e parë eliminator të Ligës së Europës.

Durrsakët arritën të bënin një ndeshje të madhe, duke gjetur 2 herë rrugën e rrjetës me sulmuesit Blerim Krasniqi dhe Rubin Hebaj.

Pavarësisht përpjekjeve, miqtë nga izraeli arritën të rrezikonin shumë pak herë portën e Frashërit, kjo për meritë të skuadrës durrsake.

Pas fitores skuadra e Teutës duhet të presë datën 31 gusht për të mësuar kundërshtarin në raundin e dytë të Ligës së Europës.

Komenti LIVE:

Përfundon takimi!

87′ GOOOOL TEUTA 2-0/ Rubin Hebaj dyfishon shifrat me kokë duke vulosur kualifikimin! Sulmuesi shkodran nuk fal pas asistit fantastik të Emiljano Vilës. Gol mëse i merituar ky për durrsakët.

84′ E pabesueshme çfarë shpërdoron Lorenco Vila me portën e boshatisur. Talenti durrsak tregohet më altruist seç duhet, teksa tenton të pasojë për Hebajn.

77′ Tjetër shans për golin e dytë, kësaj here ishte Todorovski, por tentativa e tij shkon ngjitur me shtyllën.

75′ Shans i artë për golin e dytë. Kapiteni Arapi nuk arrin të shtyjë dot dopin në rrjetë pas krosimit të mbrojtësit Hoxha.

68′ Avdyli hakron një top të rrezikshëm nga goditja e dënimit, devijojnë futbollistët izraelitë duke e larguar rrezikun në kë këndore.

65′ Tjetër zëvendësim tek Teuta, largohe nga fusha, autori i golit Blerim Krasniqi, vendin e tij e merr shkodrani Rubin Hebaj.

63′ Gruda menjëherë protagonist, lëviz bukur në hyrje të zonës, pason për Lorenco Vilën, por gjuajtja e tij shkon jashtë kuadratit.

62′ Edi Martini kryen zëvendësimin e parë, largohet Fabio Beqja, në lojë Ildi Gruda.

62′ Tjetër rasti i rrezikshëm, në portën e Teutës. Shpëtojnë për mrekulli durrsakët.

61′ Krasniqi dhe Emiljano Vila, ndëshkohen me karton të verdhë në pak sekonda, për fualle në sulm.

57′ Fantastik Stivi Frashëri, i cili mban portën e paprekur, pas gjuajtjes me kokë të Vlajter, shumë pranë portës.

53′ Emiljano Vila provon me një gjuajtje nga distanca, por topi shkon mbi kuadratin e portës.

51′ Ndëshkohet me karton të verdhë edhe Avdyli.

50′ Kundërpërgjigjen izraelitët e Beitar, por për fat të mirë gjuajtja e futbollistit Vlajter, shkoi ngjitur me shtyllën.

46′ Drithërima në portën e izraelitëve. Pranë golit të dytë skuadra durrsake me anë të Beqjas, topi devijohet dhe shkon në këndore.

Përfundon pjesa e parë.

45+3′ I pakalueshëm Stivi Frashëri, provon edhe futbollisti Vered, por kontrollon pa probleme korçari.

45+1′ Zbritje kërcënuese e izraelitëve, me fat në këto minuta skuadra e Teutës. Topi kaloi gjithë pasqyrën e portës dhe nuk u devijua nga askush.

45′ Akordohen 4 minuta shtesë në fundmin e pjesës së parë!

40′ Izraelitët duken më konkretë në këto minuta, teksa kanë avancuar përpara në zonën e Teutës, duke ushtruar presion të vazhdueshëm, por futbollistët durrsakët duken të vendosur mirë.

34′ Ndëshkohet me karton të verdhë edhe Renato Arapi për protesta.

31′ Një tjetër rast i rrezikshëm në portën e Beitar, por Kuros, nuk koordinohet siç duhet, teksa kthesa e tij në hyrje të zonës, shkon jashtë kuadratit.

27′ Teuta tërhiqet disi, duke mos i lejuar hapësira skuadrës izrelite, në repartin difensiv. Ende asnjë rast i rrezikshëm në portën e Frashërit.

21′ Tjetër ndërhyrje e rrezikshme e izraelitëve, kësaj here ndaj Todorovskit, mbrojtësi Biton ndëshkohet me karton të verdhë.

18′ Verdaska është futbollisti i parë i ndëshkuar me karton të verdhë për ndërhyrje të gabuar ndaj Emiljano Vilës.

15′ Goditje dënimi për skuadrën e Beitar, por kuptojnë gjithçka, futbollistët e Teutës që bllokojnë gjuajtjen drejt portës.

10′ Minuta mjaft të mira për Teutën, që është dominuese në fushën e lojës. Ende asnjë rast i rrezikshëm nga ana e izraelitëve.

6′ GOOOOL TEUTA 1-0/ Blerim Krasniqi kalon në avantazh durrsakët. Sulmuesi godet bukur me kokë brenda zonës pas harkimin nga e majta. Në festë durrsakët!

1′ Ka nisur sfida në “Niko Dovana”.

FORMACIONET ZYRTARE

TEUTA-BEITAR JERUZALEM

Teuta: Frashëri, Todorovski, Arapi, Hoxha, Kuro, Avdyli, Aleksi, Beqja, E.Vila, L.Vila, Krasniqi. Trajner: Edi Martini.

Beitar Jeruzalem: Nitzan, Biton, Dgani, Verdaska, Kostantini, Rotman, Ali Mohamed, Krif, Atar, Azulai, Vered. Trajner: Roni Levi.

 

 

Të fundit