Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Thaçi akuza ndërkombëtarëve për krimet në Kosovë: Dështuan në ndëshkimin e kriminelëve serbë

Politiko 9 Korrik 2019, 18:01

Presidenti i Kosovës, Hashim Thaçi, mendon se drejtësia ndërkombëtare ka dështuar në ndëshkimin e kriminelëve të Serbisë, për krimet e kryera ndaj qytetarëve kosovarë.

Me një status në Facebook, ndërsa kujton 20-vjetorin e vrasjes së tre vëllezërve Yll, Agron e Mehmet Bytyqi, ai shkroi se përgjegjësit e këtij krimi vijojnë jetën normalisht në Serbi, madje, ushtrojnë edhe poste drejtuese në disa institucione.

Me shifra ai tregoi tmerret që kosovarët përjetuan gjatë luftës.

“U bënë 20 vjet nga vrasja e vëllezërve Bytyqi dhe përgjegjësit e këtij krimi vazhdojnë të jenë të lirë në Beograd, duke udhëhequr institucione dhe duke u dekoruar nga shteti serb. Drejtësia ndërkombëtare ka dështuar në ndëshkimin e krimeve serbe në Kosovë: të vrasësve të mbi 13 mijë civilëve shqiptarë, ndëshkimin e kriminelëve serbë që dhunuan mbi 20 mijë gra shqiptare, që vranë mbi 1300 fëmijë dhe kryen rreth 400 masakra anekënd Kosovës.

Kriminelët serbë që i kryen këto krime, që bënë spastrim etnik, duke i larguar prej shtëpive të tyre mbi 1 milion shqiptarë, që kryen gjenocid mbi popullsinë e Kosovës, vazhdojnë të sillen lirshëm dhe janë tërësisht të amnistuar nga drejtësia ndërkombëtare. Kosova, qytetarët tanë, kërkojnë drejtësi. Heshtja ndërkombëtare përballë këtyre krimeve nuk është në shërbim të drejtësisë dhe paqes, por në shërbim të kriminelëve! HTH”-shkruan Thaçi në “Facebook”.

Të fundit