Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Thaçi nuk tërhiqet: Lugina do i bashkohet Kosovës. Kurti dhe Mustafa t’i shpallin luftë Serbisë

Politiko 30 Gusht 2018, 20:51

Thaçi nuk tërhiqet: Lugina do i bashkohet Kosovës. Kurti dhe

Presidenti i Kosovës, Hashim Thaçi, vazhdon të jetë i bindur në arritjen e një marrëveshjes ligjërisht detyruese me Serbinë, pas së cilës Presheva, Medvegja dhe Bujanoci do t’i bashkohen Kosovës.

Pas takimeve gjatë ditës së sotme me krerët tjerë institucional, kreu i shtetit ka ripërsëritur se në Bruksel do ta shtrojë kërkesën e liderëve të Luginës së Preshevës që ato komuna me shumicë shqiptare t’i bashkohen Kosovës.

Por, ai ka hedhur poshtë çdo mundësi për ndarjen e Kosovës apo shkëmbimin e territoreve. Derisa, theksoi se të gjithë pa dallim pajtohen që dialogu duhet të vazhdojë për të arritur një marrëveshje gjithpërfshirëse, që instalon paqe mes dy vendeve dhe që garanton njohjen reciproke Kosovë-Serbi, por që përjashton ndarjen e Kosovës, por me mundësi që Lugina t’i bashkohet Kosovës.

“Idetë për veriun janë ide të huaja, ide të njerëzve që duan ndarjen e Kosovës. Nuk do të lejoj në asnjë rrethanë me asnjë çmimi diçka të tillë, por askush nuk duhet t’i frikësohet bashkëngjitjes së Preshevës, Medvegjës dhe Bujanocit, Kosovës. Përfundimisht dhe zyrtarisht, i pëlqeu dikujt apo jo, unë do ta shtroj kërkesën e shqiptarëve të Luginës së Preshevës, që ajo pjesë t’i bashkohet Kosovës. Unë nuk kam ndonjë nostalgji për vijat që ka përcaktuar në kohën me të vështirë të dëbimit të shqiptarëve, vitin 1956, në kohën e famëkeqit Aleksandër Rankoviq, nuk kam ndonjë nostalgji për vijat e tij. Unë kur flas për korrigjim, flas për korrigjimit e padrejtësive që iu ka bërë popullit shqiptar”, tha Thaçi, raporton KosovaPress.

Kreu i shtetit shtoi se në fund të procesit të dialogut, përmes referendumit, qytetarët e Kosovës do të deklarohen për marrëveshjen finale mes Kosovës dhe Serbisë. Por, sipas tij, Kosova nuk do të mbetet peng i njerëzve inatçi në politikën kosovare, njerëzve të dështuar dhe njerëzve që më herët kanë qenë të gatshëm t’ia dorëzojnë krejt Kosovën Serbisë.

“Ata që flasin për Trepçë, Ujman, Mitrovicë, unë ua heq kasavetin për gjithmonë, ato janë të Kosovës njëherë e përgjithmonë dhe nuk ka njeri që e cenon. Ata që flasin për ndarje janë në agjendë tamam të mundësisë për shtrirje të ndikimit të ideologjive jo perëndimore në Kosovë, por edhe në rajon. Por nuk do të kenë sukses”, është shprehur kreu i shtetit.

Presidenti Thaçi, ka thënë se asnjë marrëveshje nuk do të ndodh pa pëlqimin e Shteteve të Bashkuara të Amerikës, por edhe BE-së dhe NATO-së.

“A jam në koordinim në angazhimin tim me bashkësinë ndërkombëtare. Angazhimi im njëqind për qind është i koordinuar me SHBA-në, BE-në dhe gjithë akterët që duan paqe, stabilitet, konsolidimin e shtetit tonë në rrafshin ndërkombëtarë, këtë dilemë hiqeni. Zërat tjerë janë zëra që me të vërtetë duan pështjellim në skenën politike, duan frenim dhe duan që t’i frikësojnë qytetarët. Nuk ka marrëveshje pa SHBA-në dhe askush që pretendon që epitetet e veta të qyqarllakut t’ia bartë dikujt, kurrë nuk do t’i realizoj. Qyqarllaku tek unë nuk ekziston, tash e 20 vite kam marrë vendime të rëndësishme së bashku me tjerët për vendin tim”, u Thaçi.

Kritika, Thaçi ka pasur edhe ndaj dy liderëve opozitarë, Isa Mustafa e Albin Kurti, të cilëve u ka thënë se nëse duan t’i shpallin luftë Serbisë, atëherë hajrin ia pafshin.

“Nëse dikush mendon t’i shpall luftë Serbisë, urdhëro, edhe Albin Kurti, edhe Isa Mustafa hajrin ia pafshin, le të merren vesh me luftë, ne jemi këtu, ndoshta kanë trimëri, kanë aftësi dhe zotësi strategjike, operative, teknike që ne nuk i dimë që me fitu edhe një betejë me Serbinë. Por e theksoj lufta ka përfunduar, e kemi fituar luftën, Kosova është e lirë, është e pavarur, ne e kemi qasjen si të hymë në NATO dhe BE”, ka thënë Thaçi.

Presidenti Thaçi tha se ai nuk e ka nënshkruar Asociacionin, por këtë e ka bërë LDK dhe duhet ata t’i japin përgjigje. Sepse ai do t’iu qëndrojë prapa secilës marrëveshje që ka nënshkruar edhe në Bruksel edhe marrëveshje tjera ndërkombëtare.