Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

The Guardian: Takimi Kosovë –Serbi në Shtëpinë e Bardhë, përpjekje për fitore diplomatike për Trump

Politiko 4 Shtator 2020, 07:31
The Guardian: Takimi Kosovë –Serbi në Shtëpinë e

Liderët e Kosovës dhe të Serbisë u takuan në Shtëpinë e Bardhë të enjten dhe një raund i dytë pritet të vijojë edhe sot.

Media e njohur ‘The Guardian’ e ka parë këtë takim si një përpjekje për fitore diplomatike për presidentin amerikan Donald Trump që të përforcojë pozitën e tij në fushatën presidenciale.

Në takimin Kosovë-Serbi në Shtëpinë e Bardhë Trump thotë se çështje primare janë raportet ekonomike mes dy shteteve, por mund të hapin rrugë për marrëveshje më të gjerë.

Qëllimi i bisedimeve “është të ketë zhvillime ekonomike që do të ndryshojnë dinamikën midis klasës politike”, ka thënë një këshilltar i lartë i Trump në një bisedë me gazetarët më herët gjatë javës. Ai kishte thënë se s’është ende e qartë nëse Trump do të marrë pjesë në takimet – duke sugjeruar se ai do të takojë liderët vetëm nëse nënshkruhet ndonjë marrëveshje.

Grenelli, që ishte zgjedhur ambasador në Gjermani dhe më pas edhe ushtrues detyre i inteligjencës kombëtare, ka marrë po ashtu kritika për taktikat e tij të negocimit. Në prill, kryeministri i shkarkuar i Kosovës, Albin Kurti kishte akuzuar Grenellin se ia kishte montuar largimin ashtu që të prezantonte një sukses diplomatik në vitin zgjedhor.

“Qeveria ime nuk është rrëzuar për asgjë tjetër, por thjesht sepse ambasadori Grenell ishte duke u ngutur të nënshkruante një marrëveshje me Serbinë”, pati deklaruar Kurti.

Një takim në Shtëpinë e Bardhë, i planifikuar për qershor, dështoi në minutat e fundit pasi prokurorët në Gjykatën Speciale njoftuan se kanë ngritur aktakuzë ndaj presidentit të Kosovës, Hashim Thaçi. Njoftimi ishte bërë në kohën sa Thaçi ishte rrugës për Ëashington.

Tani, dy muaj para zgjedhjeve në SHBA, takimi po bëhet realitet, me theksin te progresi ekonomik.

Bisedimet e ndërmjetësuara nga BE-ja ishin ndërprerë për dy vjet pasi Kosova vuri taksën ndaj mallrave serbe, por bisedimet rinisën së fundmi. Takimet në Bruksel, përfshirë në nivel ekspertësh dhe nivelin e larët, janë planifikuar për javën e ardhshme.

Zgjedhjet presidenciale në SHBA do të mbahen më 3 nëntor. Përballë Trumpit, te Partia Demokratike, kandidat është Joe Biden.

Të fundit