Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Thellohet hetimi për skafin me 2.5 ton drogë, ja letra që zbuloi trafikantët

Politiko 10 Gusht 2017, 08:46

Thellohet hetimi për skafin me 2.5 ton drogë, ja letra që zbuloi

Operacioni tre palësh mes Shipërisë, Malit të Zi dhe Italisë, i cili u finalizua me sukses pak ditë më parë, po vijon më tej thellimin e hetimeve në lidhje me linjën e trafikut të drogës. Pjesë e kësaj linje ishte dhe gomonia me 2.5 tonë kanabis që u kap nga ky operacion pranë brigjeve italiane.

Sipas burimeve të policisë, ngarkesa me të cilën u kap gomonia në Itali javën e kaluar duket se ka qenë vetëm “maja e ajsbergut” në aktivitetin e grupit kriminal. Kjo pasi hetuesit kanë dyshime se kjo linjë është një nga më aktivet mes Shqipërisë dhe Italisë dhe ka arritur edhe herë të tjera të trafikojë sasi të mëdha droge.

Dy shqiptarët e arrestuar, janë me inicialet B.B. 42 dhe J.H. 31 vjeç, të dy nga Vlora. Ajo çka u ka bërë përshtypje hetuesve duket se ka qenë edhe “kodi i heshtjes” që kanë zbatuar me përpikëri dy skafistët e gomones pas kapjes së tyre në Itali. E vetmja gjë që ata kanë pranuar është pagesa që merrnin për kryerjen e transportit të “mallit”, ku kanë thënë se paguheshin 2 mijë euro secili për dërgimin në Itali, por nuk kanë dhënë asnjë sqarim tjetër.

Megjithatë një tjetër fakt i ka nxjerrë zbuluar trafikantët e drogës, pasi në gomonën që lundroi nga Shqipëria për në Itali është gjetur një letër nga policia italiane, përmbajtja e të cilës hedh dritë mbi kontaktet dhe llogaritë e trafikantëve të drogës.

Hetimi

Fillesa e hetimit të këtij rasti duket se është në janar 2017, pas zbulimit të ngarkesës 1.9 tonë drogë në një skaf që lundroi për në Itali nga Shqipëria. Policia italiane gjeti një letër të trafikantëve, përmbajtja e së cilës ka hedhur dritë mbi kontaktet dhe llogaritë e personave që bashkëpunonin në trafikimin e drogës. Më 11 janar 2017, shtetasi nga Vlora, Besmir Hameti, së bashku me të arrestuarin tjetër italian, Domeniko Pascariello, tentuan të çojnë në brigjet e Brindisit 1.9 tonë hashash. Ata e kanë mohuar përfshirjen e tyre, por hetuesit italianë javën e kaluar u kanë gjetur një letër dy të arrestuarve në gomonen e ngarkuar me 2.5 tonë kanabis, ku në listën me emra dhe kontakte janë edhe Besmir Hameti e Domeniko Pascariello.

Për këtë të fundit thuhet se mund të ketë dëshmuar, ndërsa hetuesit deklarojnë se “Pascariello është një kërcënim për shkak se, në bazë të një borxhi ndaj bashkëpunëtorëve të tij, do të zbulojë detajet e trafikut të paligjshëm që e çoi atë në pranga”. Pikërisht bazuar në këtë fakt është bërë lidhja mes dy rasteve të trafikimit, duke dyshuar se është e njëjta dorë që ka trafikuar ngarkesat me kanabis edhe në janar 2017, por edhe pak ditë më parë. Dy skafistët e arrestuar javën që shkoi, shtetasit me iniciale B.B. 42 dhe J.H. 31 vjeç, të dy nga Vlora, kur kuptuan se ishin pikasur nga policia, e hodhën gjithë drogën në det në brigjet e Italisë. Ishin autoritetet e këtij vendi që më pas bënë rikuperimin e pakove me drogë dhe sekuestrimin e tyre në cilësinë e provës materiale./panorama