Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Thellohet përçarja në Prishtinë, Thaçi kërcënon Haradinajn me shkarkim: Ata që nuk vetëkorrigjohen, ndërrohen shpejt

Politiko 8 Tetor 2018, 19:09
Thellohet përçarja në Prishtinë, Thaçi

Presidenti Hashim Thaçi ka kërcënuar sot për herë të parë kryeministrin Ramush Haradinaj me shkarkim nga detyra, nëse nuk vetëkorrigjohet sa i përket qëndrimeve që ka mbajtur për marrëveshjen përfundimtare me Serbinë.

“I shpreh ngushëllimet e mia për këtë ide të (ndryshimit ) kufijve, pasi mendoj se ka vdekur, dhe njëkohësisht edhe përgëzime.” Ishte kjo deklarata e Haradinajt që nuk është pritur aspak mirë nga Thaçi.

Thaçi i kujtoi Haradinajt se është Presidenca udhëheqëse e dialogut me Serbinë, dhe nga kryeministri kërkoi të korrigjojë deklaratat për këtë çështje.

“Është deklaratë interesante edhe nga ana e kryeministrit. Kjo tregon që ose është në humor të mirë ose është tepër komod në karrigen e vet. Por të them të drejtën unë kam pritur nga kryeministri që të jetë më racional dhe i përgjegjshëm në deklaratat e tij lidhur me dialogun.  Një kryeministër serioz nuk flet çdo ditë për luftëra dhe tragjedi, por zhvillon prioritetet dhe angazhimet për reforma. Unë jam duke i udhëhequr negociatat me Serbinë e jo kryeministri.  Kërkoj nga të gjithë edhe nga kryeministri një qasje shumë më të mençur dhe të shkathtë në këtë proces.  Jam i sigur që kryeministri ka nevojë të i korrigjojë deklaratat dhe qëndrimet e tij për dialogun.  Pa dialogun nuk ka të ardhme euroatlantike për Kosovën”, u shpreh Thaçi në një dalje për mediat.

Thaçi foli edhe për mundësinë zëvendësimit të zyrtarëve të lartë: “Të gjithë e dimë se pozitat tona nuk janë të përhershme dhe se presidentët e kryeministrat mund të ndërrohen, shkojnë e vijnë të tjerë, e sidomos mund të ndërrohen shpejt ata që nuk korrigjohen.”

Ramush Haradinaj u bë kryeministër i Kosovës falë koalicionit me PDK-në që dikur drejtohej nga Thaçi, si dhe prej mbështetjes të disa partive të tjera. AAK-ja që drejtohet nga Haradinaj është parti e katërt në Kuvend.

Ish-kryeministri grek promovon një konflikt shqiptaro-maqedonas: Shqiptarët e votuan marrëveshjen sepse lehtëson “Shqipërinë e madhe”

Të fundit