Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Thirrja e gjeneralit të SHBA në Tiranë: Kërcënimi i së ardhmes është Kina, mendoni pasojat para se t’ia pranoni investimet

Politiko 9 Janar 2020, 10:02

Thirrja e gjeneralit të SHBA në Tiranë: Kërcënimi i

Gjenerali i SHBA, Michael Barbero ka folur mbi sfidat e sigurisë aktuale dhe ato të së ardhmes gjatë një mëngjesi pune me politikanë shqiptarë në Tiranë.

Ndërsa u ndal te konflikti aktual SHBA-Iran, gjenerali tha se zyrtari iranian i vrarë javën e shkuar nga SHBA ishte më i rëndësishëm se Osama Bin Laden.

“Sulmi për të vrarë gjeneral Suljemanin ishte më i rëndësishëm se sa Osama Bin Laden. Ai ishte “arkitekti” i çdo lloj paqëndrueshmërie që shkaktohej në atë rajon. Kur isha në Irak ishte e qartë se çdo sulm nga shiitët ishin të financuar nga Qasem Suleimani. E kaluara e tij e përcaktonte si terrorist. Ka shkaktuar vdekjen e shumë personave të pafajshëm për 15 viteve e fundit. Ishin veprimet e duhura dhe do ti përballojmë pasojat.

E dinim që sulmi mbi dy baza ajrore do ndodhte, do ketë shënjestra të tjera amerikane apo vendet tona aleate, Irani është i zgjuar.

Ka ardhur momenti që partnerët aleatë duhet të qëndrojnë të fortë dhe jo të kërkojnë falje për vrasjen e gjeneralit.

Është kohë kritike për Irakun, mund ti përdorin protesta për të hequr ndikimin e Iranit në politikat e Irakut. Jemi të gatshëm për të reaguar dhe të shohim mundësinë për dialogun. Ka patur shenja nga Irani se ka ardhur koha për të bërë hapa prapa dhe rinisjen e dialogut”, tha Barbero.

Po ashtu, ai u ndal edhe te kërcënimi nga Rusia dhe sipas tij nga Kina në të ardhmen përmes sulmeve kibernetike.

“Jeni aleatë besnikë, doja t’ju falënderoja për shërbimin tuaj. Terrorizmi ekziston dhe do na ndikojë të gjithë ne. Do miratoja politikën e NATO ndaj Rusisë, dialogun dhe mbrojtjen që zhvillon se duhet të shohim dhe të presim të kemi mbrojtje sa më të madhe. Qëllimi i Putin është të sfidojë legjitimitetin perëndimor. Ata përpiqen të ndërhyjnë në zgjedhjet e zhvilluara, të delegjitimojnë veprimet që merren nga institucionet apo vlerat per te cilat kanë luftuar gjyshërit tanë. Ndaj duhet të vazhdojmë politikën , sigurisht edhe dialogun e dyanshëm me Rusinë.

Ose të kemi aftësinë për të ndaluar dhe besueshmërinë për këtë ndalim. Duhet të qëndrojmë të fortë, të kemi të njëjtat aktivitete në NATO që ti tregojmë Rusisë dhe kujtdo që sfidon NATO-n se kemi gadishmërinë dhe besueshmërinë për të qenë në anën e mbrojtjes.

Rusia është ajo që krijon kërcënim të stabilitetit të NATO. Kemi kërcënime të tjera. Do kemi edhe të tjera si kërcënimet kibernetike.

Nëse nuk e keni përjetuar, po ju them se do të vijë ky sulm kibernetike.

SHBA po intensifikojnë përpjekjet për këto sulme. Cilat janë kërcënimet e së ardhmes?

Kina, rrjeti 5G. Do kërkoja nga Shqipëria të shprehë rezistencën ndaj rrjetit 5G që vjen nga Kina se kështu ata spiunojnë.

Duhet të përballeni me alternativa si perëndimore apo teknologjinë lindore të Kinës. Ka disa nisma me Kinën se ata kanë nënshkruar një marrëveshje, duhet të zgjidhnin ose aleat me perëndimin apo me Kinën dhe këtu përfshihet teknologjia.

Investimet nga Kina janë tërheqëse por duhet të mendoni ndikimet afatgjata të Kinës, është konkurruese në gjithë botën dhe do jetë mjaft agresive. Aktualisht kërcënim janë terrorizmi, por ata afatgjata vijnë nga Kina”, tha gjenerali.