Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Thirrje BE dhe SHBA: Lironi të burgosurin Protoduari; qeveria të heqë dorë nga politikat e luftës se klasave

Politiko 25 Nëntor 2018, 17:13

Thirrje BE dhe SHBA: Lironi të burgosurin Protoduari; qeveria të

Shoqata Antikomuniste e të Përndjekurve Politikë të Shqipërisë ka kundërshtuar vendimin e Gjykatës së Tiranës për të mbajtur në qeli, protestuesin Dorjan Protoduari, ku kërkon lirimin e këtij të fundit.

Vendimin ndaj tij, kjo shoqatë e krahason me vendimmarrjet sipas politikës penale të luftës së klasave të aplikuar ndaj kundërshtarëve politikë gjatë komunizmit.

“Kërkojmë nga përfaqësitë diplomatike perëndimore SHBA, BE e të tjera të ushtrojnë presionin e tyre ndaj autoriteteve shqiptare për të liruar të burgosurin politik Dorjan Protoduari”, thuhet në deklaratën e Shoqates Antikomuniste të te Përndjekurve Politikë të Shqipërisë.

Gjykata e Tiranës ka vendosur të lirojë 10 prej 11 të arrestuarve pas protestës tek parlamenti.

Në burg ka mbetur vetëm Dorjan Protoduari, i riu që u arrestua tek Spitali i Traumës pak orë pas protestës tek parlamenti.

Deklarata:

Gjykata e Tiranës ka vendosur të lirojë nga qelitë nga 10 nga 11 personat e arrestuar nga policia për protestën e dhunshme para Parlamentit të enjten e shkuar (22 tetor).

Në qeli ka mbetur vetëm Dorian Protoduari, ndërsa ndaj 10 personave të tjerë është caktuar masa e sigurisë detyrim me paraqitje.

Ky vendim e kthe drejtësinë shqiptare tek vendimmarrjet sipas politikës penale të luftës së klasave te aplikuar ndaj kundërshtarëve politikë gjatë diktaturës komuniste .

Ne e konsiderojmë lënien ne burg në burg vetëm të Dorjan Protoduarit një vendim politik i gjykatës të kontrolluar nga qeveria.

Protoduari është i vetmi nga të arrestuarit qe vjen nga një familje, nga me të përndjekurat politike te diktaturës komuniste ne Shqipëri gjë që për ne përben edhe arsyen e vetëm te veçimit te tij nga te arrestuarit e tjerë dhe te lënies ne burg ne mënyrë te pa ligjshme prej gjykatës.

Nuk është hera e parë qe forcat e sigurisë dhe drejtësia venë ne shënjestër e zbatojnë politika penale të motivuara nga lufta e klasave ndaj të përndjekurve politike antikomuniste.

Këtë ne antikomunistet e përndjekur politike te indinjuar nga ky vendim selektiv e politik i Gjykatës nën presionin e hapur të qeverisë i bëjmë thirrje institucioneve të drejtësisë te heqin dore nga lufta e klasave dhe te lirojnë Dorjan Protoduarit që ne e konsiderojmë si të burgosur politik.

I bëjmë thirrje qeverisë të heqë dorë nga politikat e luftës se klasave të trashëguar nga pasardhësit e saj politikë, juridikë e gjenetikë.

Kërkojmë nga përfaqësitë diplomatike perëndimore SHBA, BE e të tjera të ushtrojnë presionin e tyre ndaj autoriteteve shqiptare për të liruar të burgosurin politik Dorjan Protoduari .

https://www.youtube.com/watch?v=eM-PZbjImfk