Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Tillerson drejt largimit si Sekretar Shteti, Trump mund ta zëvendësojë me një grua

Politiko 29 Gusht 2017, 13:14
Tillerson drejt largimit si Sekretar Shteti, Trump mund ta

Në Uashington janë shtuar spekulimet se Sekretari i Shtetit Rex Tillerson mund të largohet së shpejti nga administrata, pas komenteve që ai dhe një ndihmës u dhanë gazetarëve gjatë dy ditëve të fundit.

Zëri i Amerikës raporton se Tillerson drekoi të hënën me presidentin Donald Trump dhe nënpresidentin Mike Pence. Më vonë gjatë ditës, Pence u takua me ambasadoren e SHBA në Kombet e Bashkuara Nikki Haley. Përkimi i takimeve bëri që vëzhguesit e Shtëpisë së Bardhë të komentonin mbi mundësinë që Haley të marrë postin e zotit Tillerson, nëse ai largohet.

Në një intervistë me "Fox News Sunday", Tillerson u pyet rreth përgjigjes mjaft të kritikuar të dhënë nga Presidenti Trump për dhunën vdekjeprurëse në Sharlotsville të Virxhinias këtë muaj, pas një tubimi nga supremacistët e bardhë që rezultoi në përplasje me kundërprotestuesit.

Trump shkaktoi zemërim kur fajësoi fillimisht të dyja palët njëlloj për trazirat. Ligjvënës të Partisë Republikane të zotit Trump dhe shumë komentues e akuzuan presidentin se nuk dënoi në mënyrë të veçantë mbështetësit e racizmit si diçka e papranueshme.

Diplomati më i lartë amerikan u pyet këtë javë nëse komentet e Trump, të cilat u panë si vënie e shenjës së barazimit mes supremacistëve të bardhë dhe demonstruesve të ekstremit të majtë, pasqyronin vlerat amerikane.

Tillerson tha fillimisht: "Nuk besoj se dikush dyshon në vlerat e popullit amerikan, ose në angazhimin e qeverisë amerikane, apo të agjencive të qeverisë për avancimin e këtyre vlerave dhe mbrojtjen e tyre".

Kur moderatori Chris Wallace e pyti konkretisht rreth vlerave të Trump, sekretari Tillerson u përgjigj: "Presidenti flet vetë për veten e tij," pa dhënë shpjegime të mëtejshme.

Një ndihmës i Tillerson mohoi të hënën se ky koment përbënte një kritikë ndaj vlerave të zotit Trump, por nuk pranoi ta zbuste komentin.

"Vlerat fillojnë nga Kushtetuta", tha për televizionin CNN ndihmësi i cili nuk dëshiroi të identifikohej. "Puna e presidentit është t'i mbrojë këto vlera. A bëri ai më të mirën në përgjigje të ngjarjeve në Sharlotsville? Jo. Por kjo nuk do të thotë se Amerika ndryshoi”.

Ndihmësi shtoi, "Kjo është arsyeja pse presidenti flet për veten e tij, sepse është Kushtetuta që flet për vendin".

Thomas Whalen, profesor i shkencave politike në Universitetin e Bostonit, tha se deklarata që Kushtetuta dhe jo presidenti flet për vendin "tregon përçmim ndaj stilit autoritar të zotit Trump në menaxhimin e presidencës". Ai i përshkroi fjalët e ndihmësit të zotit Tillerson si "një lamtumirë ndaj zotit Trump".

Faqja e lajmeve në internet Axios njoftoi të hënën se zhgënjimi i Presidentit Trump me sekretarin Tillerson ishte shfaqur sidomos pas një takimi të fundit rreth Afganistanit.

Faqja e internetit njoftoi se Tillerson ishte në kundërshtim me Presidentin Trump në disa çështje të politikës së jashtme, duke përfshirë tensionet në Katar dhe sanksionet kundër Venezuelës dhe se zyrtarët e administratës e kishin të vështirë të kuptonin se përse sekretari i shtetit nuk i kishte plotësuar disa pozicione të larta politike në Departamentin e Shtetit.

Përplasje me Donald Trump, ishambasadorja në Kosovë largohet nga Departamenti i Shtetit

Të fundit