Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Tinka Kurti në teatrin e Sarajevës, Flutura Açka: Në atë skenë ka luajtur nëna e saj; mund të rrafshohet nga fuqi mbinjerëzore, por jo nga njeriu

Politiko 26 Shtator 2018, 12:16
Tinka Kurti në teatrin e Sarajevës, Flutura Açka: Në

Shkrimtarja Flutura Açka ka publikuar një foto të aktores Tinka Kurti duke recituar “O moj Shqypni” në teatrin e Sarajevës dhe sjell në vëmendje faktin se në atë skenë ka lujtur dikur nëna e Tinkës. Si një mbështetëse e ruajtjes së godinës së Teatrit Kombëtar në Tiranë, Açka thekson se teatri i Sarajevës mund të rrafshohet vetëm nga një fuqi mbinjerëzore, por jo nga njeriu.

Flutura Açka thotë se njeriu e ruan historinë sepse kujtesa kurrë nuk arnohet, ndërkohë që muret e vjetruara mund të forcohen dhe skenat të ribëhen.

Reagimi i Flutura Açkës:

Unë jam Teatri

Tinka Kurti duke recituar "O Moj Shqypni" në Teatrin Popullor të Sarajevës, 14 shtator 2018. Pas shpinës së saj punëtorët e skenës po bëjnë përgatitjet për shfaqjen e re. Në atë skenë ka luajtur dikur mëma e saj, kushedi kush para mëmës së saj, po luan ajo këtë ditë, do të luajnë kushedi edhe sa breza të tjerë. Teatri do të rrafshohet ndoshta kushedi kur nga fuqi mbinjerëzore, por jo nga njeriu. Njeriu e ruan historinë. Zëri I saj në këtë sallë që do të mbushet shpejt, më ngjau me korin e tragjedive të vjetra... që rrëqethin me thirrjen për kujtesë. Muret e vjetëruar forcohen, skenat ribëhen, tapiceritë rivishen, fasadat përmirësohen, por kujtesa kurrë nuk arnohet.

O Moj Shqypni

Pashko Vasa

O moj Shqypni, e mjera Shqypni,

Kush te ka qitë me krye n'hi?

Ti ke pas kenë një zojë e randë,

Burrat e dheut të thirrshin nanë.

Ke pasë shumë t'mira e begati,

Me varza t'bukura e me djelm t'ri,

Gja e vend shumë, ara e bashtina,

Me armë të bardha, me pushkë ltina,

Me burra trima, me gra të dlira;

Ti ndër gjith shoqet ke kenë ma e mira....

...Por sot, Shqypni, pa m'thuej si je?

Po sikur lisi i rrxuem përdhe,

Shkon bota sipri, me kambë, të shklet

E nji fjalë t'ambël askush s'ta flet.

Si mal me borë, si fushë me lule

Ke pas qenë veshun, sot je me crule,

E s'të ka mbetun as em'n as besë;

Vet e ke prishun për faqe t'zezë.

Shqyptar', me vllazën jeni tuj u vra,

Ndër nji qind ceta jeni shpërnda...

... E për sa pare qi do t'fitoni,

Besën e t'parëve t'gjith e harroni,

Baheni robt e njerit t'huej,

Qi nuk ka gjuhën dhe gjakun tuej.

Qani ju shpata e ju dyfeqe,

Shqiptari u zu si zog ndër leqe!

Qani ju trima bashkë me ne,

Se ra Shqypnia me faqe n'dhe!

E s'i ka mbetun as bukë as mish,

As zjarm në votër, as dritë, as pishë;

As gjak në faqe, as nder ndër shokë,

Por asht rrëxue e bamun trokë!

Mblidhniu ju varza, mblidhniu ju gra,

M'ata sy t'bukur q'dini me qa,

Eni t'vajtojmë Shqypninë e mjerë,

Qi mbet' e shkretë pa em'n, pa nder...

Të fundit