Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

KRYESORE

Tjetër protestë sot në Tiranë, shoqëria civile organizohet kundër koncesioneve të qeverisë Rama

Politiko 7 Prill 2018, 07:41

All - Paragraf - 1

I gjithë vendi është përfshirë javët e fundit nga disa protesta të organizuara nga qytetarët dhe partitë politike. Pas protestës së javës së kaluar të kuksianëve kundër tarifës në ‘Rrugën e Kombit’ dhe protestave të organizuara nga opozita dy ditë më parë në disa qytete, është shoqëria civile që është organizuar së fundmi për një tjetër protestë në Tiranë.

All - Paragraf - 3

Në orën 12:00, me dhjetëra qytetarë pritet të mblidhen në Parkun Rinia, për të marshuar drejt Kryeministrisë. Ata do të kërkojnë ndaljen e dhënies së koncesioneve nga qeveria e kryeministrit Edi Rama, e cila po i vendos pasuritë, shërbimet dhe pronat publike në funksion të pak kompanive private.

“Se zgjidhja nuk është dhuna, arrestmet dhe arroganca por dialogu, transparenca dhe qeverisja me qytetarët duke i pyetur e përfillur mendimet dhe hallet e tyre. Nuk ka rëndësi nëse je i majtë, i djathtë apo pa bindje politike. Nuk ka rëndësi nëse je nga Kukësi apo nga Saranda, nga Dibra apo nga Korça. TË GJITHË PAGUAJMË NJËSOJ! E nëse nuk bashkohemi, do të paguajmë edhe më shumë”, thuhet ndër të tjera në reagimin e ‘Nisma Thurje’, që është edhe organizatorja e protestës së sotme.

Reagimi:

Kryeministri Rama, mbas rrugës Durrës-Kukës ka vendosur të japë me koncesion edhe akset e tjera rrugore. Ky nuk është fillimi por vazhdimi i një serie koncesionesh të cilat i vendosin pasuritë, shërbimet dhe pronat publike në funksion të kompanive private duke u garantuar atyre edhe fitimin.

Kur qytetarët me të drejtë reagojnë, si në Kalimash, duke refuzuar këtë politikë ata përballen me gjuhën e arrogancës dhe dhunën policore.

KJO DUHET TË MARRË FUND!

Ditën e shtunë, në orën 12:00, takohemi të gjithë te Parku Rinia për të marshuar drejt Kryeministrisë e për ti dhënë një mesazh të fortë Kryeministrit se ne nuk jemi dakord. Se Shqipëria nuk i përket një grushti të pangopurish por të gjithë qytetarëve shqiptarë.

Se zgjidhja nuk është dhuna, arrestmet dhe arroganca por dialogu, transparenca dhe qeverisja me qytetarët duke i pyetur e përfillur mendimet dhe hallet e tyre.

Nuk ka rëndësi nëse je i majtë, i djathtë apo pa bindje politike.

Nuk ka rëndësi nëse je nga Kukësi apo nga Saranda, nga Dibra apo nga Korça. TË GJITHË PAGUAJMË NJËSOJ! E nëse nuk bashkohemi, do të paguajmë edhe më shumë.

Nëse nuk reagojmë, Atdheun që na e lanë trashëgim të parët tanë, nuk do jua lëmë dot trashëgim fëmijëve por një grushti politikanësh e biznesmenësh pranë tyre.

KUSHDOQOFSH, bashkohu të shtunën në orën 12:00.

Jo për Partitë, jo për Kryetarët por për veten tënde, për familjen tënde, për Shqipërinë tonë!