Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Tonelata kanabis të stivosura mbi dysheme”. Televizioni ndërkombëtar gjen magazinë me drogë në Tiranë

Politiko 24 Maj 2019, 21:53

“Tonelata kanabis të stivosura mbi dysheme”. Televizioni

Situata politike në Shqipëri vijon të gjejë pasqyrim të gjërë në mediat ndërkombëtare. Al Jazeera në versionin anglisht ka publikuar një artikull: “Qeveria shqiptare mohon lidhjet me krimin e organizuar”.

Reportazhi nis me pamje nga një magazinë në periferi të Tiranës, e mbushur me drogë deri në tavan. “Në një magazinë të policisë në dalje të kryeqytetit shqiptar, droga mbush raftet deri në tavan. Në brendësi të ndërtesës anonime aroma e kokainës dhe kanabisit është e fortë, tonelata droge e stivosur në dysheme dhe në rafte dollapë metalikë. Njësitë e magazinimit në këtë godinë janë të ezauruara dhe për këtë shkak, çanta të mëdha janë lënë nëpër shkallë. Teksa sasia e madhe e drogave te sekuestruara nga trafikantët është impresionuesa, diskutimi politik në mbi këtë temë është akoma i madh. Krimi i organizuar është një vijë ndarëse në Shqipëri”.

Al Jazeera analizon edhe protestat e opozitës dhe pretendimet e saj se rezultati i zgjedhjeve të përgjithshme të 2017 ishte i deformuar. “Manifestuesit sulmuan policinë dhe godinat qeveritare me kokteil molotov, gurë dhe fishekzjarrë. Manifestuesit thonë se qeveria nuk ka bërë mjaftueshëm për të luftuar krimin e organizuar, për të cilin ata thonë se ka ndikuar në zgjedhjet e përgjithshme të vitit 2017 në favor të partisë që qeveris. Qeveria i ka mohuar akuzat, duke theksuar se zgjedhjet u certifikuan nga komuniteti ndërkombëtar”– thuhet në shkrimin e Al Jazeera që më pas sjell opinionet e ndryshme të ministres për Parlamentin, Elisa Spiropali dhe Sekretarit të Përgjithshëm të PD-së, Gazment Bardhi.

“Deputetët që lanë mandatet po zëvendësohen. “Kjo është shumë larg të të qenit një situatë ideale, por parlamenti është legjitim, ashtu si edhe qeveria” – thotë Luigi Soreca, ambasador i BE në Shqipëri që shton: “Ne kemi njohur plotësisht parimin kushtetues të së drejtës së kuvendit për të shprehur qëndrimet politike, por ne kemi dënuar në të njëjtën kohë çdo formë dhune në protestat publike”.

“Ne shpresojmë që zgjedhjet lokale të zhvillohen në mënyrë të rregullt, në zbatim të plotë të ligjeve përkatëse. Siç ka ndodhur në të kaluarën, BE-ja do të marrë pjesë në monitorimin e zgjedhjeve dhe jemi të sigurt se autoritetet kompetente do të aplikojnë ligjin në rast se individët vendosin ta thyejnë atë,” deklaron Soreca.