Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Top Channel nuk i ndahet gjyqtarit të Gjykatës së Lartë, e quan mik të kriminelëve

Politiko 17 Korrik 2018, 17:37

Në edicionin e orës 15:00, Top Channel transmetoi një kronikë sa i takon procesit të vetingut. “Shpresë nga Vettingu; Shkarkime në Gjykatën që mbylli korrupsionin, Gërdecin dhe 21 Janarin”, ishte titulli i kronikës ndërsa theksi vihej tek anëtarët e Gjykatës së Lartës, të cilët tashmë do të dalin para komisionit të vettingut.

Furtuna po vijon, thuhej në kronikë, ndërsa shtonte se “në Vetting është Artan Zeneli gjyqtari me probleme me pasurinë e tij, ndërsa shpejt ne siten e vettingut hyn, miku i krimineleve, Shkëlzen Selimi”.

Kjo nuk është hera e parë që Top Channel sulmon gjyqtarin Selimi, edhe më herët ky televizion ka pasur në qendër të sulmeve këtë gjyqtar por kjo e sotmja ku e cilëson si ‘miku i kriminelëve’ është më e rënda.

Kronika e Top Channel

Shpresë nga Vettingu; Shkarkime në Gjykatën që mbylli korrupsionin, Gërdecin dhe 21 Janarin

Vettingu ka rritur shpejtësinë e punës me sitjen e sistemit të drejtësisë. Emra të njohur që dikur ishin pothuajse të paprekshëm për shkak te pushtetit dhe paprekshmerisë, krijuan nga lidhjet e ngushta të shërbimeve ndaj politikës, por edhe kriminalitetit, tani po bien një e nga një.

Në nisje Vettingu u paragjykua, edhe ende paragjykohet, por nëse shikon se ata qe dikur ishin garanti i politikanëve të korruptuar sot po ikin, disa edhe me turp për shkak veprimeve në nivelet e banalitetit ordiner.

Në Gjykatën e Larte ka nisur një furtunë që nuk ka gjasa të ndalet deri sa paligjshmëria e kthyer në kult në Gjykatën, e cila ka mbyllur disa nga dosjet më të rënda dhe skandaloze të zhbëhet.

Dy anëtare të kësaj gjykate tashmë janë rrëzuar.

Admir Thanza për të cilin Vettingu zbuloi se kishte patur një dënim me 40 ditë burg, dhe gjobë për vjedhje në Itali. Ngjarjen ai e kishte fshehur dhe për këtë po hetohet.

Pas Thanzës qe si gjyqtar ka shkuar deri ne kushtetuese, u shkarkua Tom Ndreca për shkak të problemeve me drejtësinë. Furtuna po vijon, në Vetting është Artan Zeneli gjyqtari me probleme me pasurinë e tij, ndërsa shpejt ne siten e vettingut hyn, miku i krimineleve, Shkëlzen Selimi.

Vettingu po funksionon deri me tani dhe ka arsye ti besohet sepse po largon njerëz të inkriminuara kleptomane të korruptuar dhe njerëz të cilët kanë mbrojtur të gjithë politikanët e korruptuar.

Ata që mbyllen masakrën e Gërdecit, vrasjet e 21 janari dhe gjitha të fortët e Parlamentit. Këto janë vetëm qershia mbi tortë, por dëmi publik i krijuar për shumë arsye nga këta gjyqtare lidhet edhe me një stok gjigant prej 24 mijë dosje që janë në pritje. Ato janë çështjet gjyqësore të dhjetëra mijë qytetarëve të thjeshtë që prej vitesh presin drejtësi.