Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Toyota me 3.4 milionë euro”, Balla paralajmëron Lulzim Bashën: Kam gati një surprizë për ty

Politiko 26 Qershor 2018, 11:32
“Toyota me 3.4 milionë euro”, Balla paralajmëron Lulzim

Kreu i grupit paralamentar të PS, Taulant Balla ka reaguar sërish lidhur me akuzat e kreut të PD, Lulzim Basha se është i përfshirë në skandalin e 3.4 milionë eurove të gjetura në dy makina “Toyota Yaris” të dielën në Portin e Durrësit.

Basha e paralajmëroi një operacion të tillë në seancën e kaluar dhe akuzoi Ballën si porostës të makinës nga Gjermania.

Sot, Balla doli para gazetarëve dhe pasi hoqi përgjegjësinë nga vetja, deklaroi se ka rezervuar disa surpriza për Bashën, por që do t’i bëjë publike në seancën e së enjtes.

“U them atyre që më kanë besuar mandatit që këto akuza nuk qëndrojnë në asnjë përqindje të saj. Kjo akuzë u nxor nga goja e Bashës në një moment të papërgjegjshëm, ku të gjithë qeshnim me përpjekje donkishoteste që gjasme kishte ndihmuar Shqipërinë në hapjen e negociatave.

Deklarata e policisë së Shtetit ishte shteruese për sa i përket personave të arrestuar, apo atyre që janë ende në kërkim dhe ata që përbëjnë grupin kriminal që gjej rastin të përgëzojë që aksione si ky të ketë më shumë.

Një institucion ligjzbatues ka patur rrjedhje informacioni të një personi të papërgjegjshëm si Basha. Vuri në rrezik operacionin e policisë, po shyqyr që s’e marrin seriozisht as personat e përfshirë në këtë akt kriminal dhe aksioni shkoi deri në fund.

Unë s’kam asnjë lloj lidhje ju garantoj me përgjegjësi pedale, jo mandatin e deputetit, por jam i gatshëm të më bëhet gjyqi në shesin ‘Skënderbej’ nëse kam lidhje me këtë rast.

Kam filluar dhe unë të bëj disa verifikime, i them Bashës se i kam gjetur disa lidhje me këta persona, por do t’i ruaj për të enjten disa surpriza për Bashën.

Në fillim e kam marrë me shaka këtë çështje, kam qeshur në seancë, kam qeshur edhe dje me këtë budalla politikan.

Pas konsultimit me kolegë juristë, mendova që këtë shejtan budalla të mos e le me kaq, por këtë histori t’ja kthej në një mësim ekzemplar.

Do të bëj kallëzim penal ndaj Bashës, brenda kësaj jave do të depozitohet, por apeli im ndaj prokurorisë duhet të mos vonojë të thërrasë këdo, së pari Lulzim bashën që pretendon se ka informacionin, mua e çdo deputet sepse para ligjit jemi të barabartë”, u shpreh Balla.

Të fundit