Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Trafiku i drogës dhe njerëzve/Marrëveshje tre palëshe mes policive kufitare të Shqipërisë, Italisë dhe Malit të Zi

Politiko 22 Shtator 2017, 17:13
Trafiku i drogës dhe njerëzve/Marrëveshje tre palëshe mes

Disa javë pas ngjarjes së bujshme të sekuestrimit në brigjet italiane të disa tonë drogë nga një skaf që përshkoi brigjet shqiptare, ato malazeze e më pas drejt brigjeve italiane, ka detyruar që sot në Drejtorinë Vendore të Kufirit dhe Migracionit në Durrës të organizohet një takim trepalësh mes drejtuesve të policive kufitare të Shqipërisë, Malit të Zi dhe Italisë (GdF). Delegacioni shqiptar kryesohej nga Drejtoresha e Departamentit për Kufirin dhe Migracionin Aida Hajnaj. Qëllimi i takimit ishte ai i rritjes së bashkëpunimit mes të tre vendeve në fushën e kufirit dhe migracionit. Intensifikimi i luftës ndaj trafiqeve të paligjshme në kufirin blu, por edhe në atë të gjelbër ishte një çështje që zuri një vend të veçantë gjatë bisedimeve.

Gjatë takimit u vendos për draftimin e një protokolli trepalësh për patrullimet e përbashkëta në hapësirën detare të tre vendeve në detin Adriatik, si një domosdoshmëri për rritjen e kontrollit në det. Mes drejtuesve të policive kufitare të tre vendeve u dakordësua shkëmbimi i menjëhershëm i informacioneve në lidhje me të gjitha mjetet detare që ndryshojnë vendbazimet dhe të atyre që deklarojnë se do të lëvizin drejt njërit nga tre vendet. Gjithashtu, u ra dakord për një shkëmbim informacionesh të menjëhershme në lidhje me imigracionin e paligjshëm.

Vitet e fundit është shtuar jo vetëm trafiku i drogës, por edhe refugjatëve aziatikë e afrikanë, të cilët zgjedhin Shqipërinë dhe Malin e Zi si vend tranzit kalimi drjet vendeve të BE-së dhe pjesa më e madhe e tyre kalojnë drejt Italisë.

 

Të fundit