Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Trajtimi i venave varikoze me metodat më bashkëkohore në Spitalin Hygeia Tiranë

Politiko 24 Maj 2019, 14:37

Këmbë të ënjtura, dhimbje, rëndesë… . Sa femra ankojnë çdo ditë për shqetësime të tilla? Për më tepër damarë të shëmtuar, këmbë që nguron t’i ekspozosh… . Në ditët e sotme të jesh elegante, të ndjekësh modën, të ndihesh e të tregosh se je më e re nuk mbeten dëshira apo thjesht një obsesion për femrat moderne. Revistat rozë por edhe reklamat kudo janë plotë e përplot me imazhe perfekte dhe ilaçe çudibërëse për këmbë të bukura e të lehta. Vërtetë bukurisë e freskisë femërore nuk i ikën asnjëherë moda, por në shoqërinë e sotme jo rrallë herë ngatërrojmë shëndetin me bukurinë, mjekësinë me makijazhin.

Venat varikoze janë një sëmundje shumë e shpeshtë dhe nëse përfshijmë edhe format më të lehta të saj mund të themi se ajo prek gati 40% të popullatës, pa dallim midis femrave e meshkujve, por, duke qenë se aspekti estetik shqetëson më shumë femrat ato janë edhe pacientet më të shpeshta dhe madje edhe më kërkueset.

Trajtimi i hershëm i venave varikoze është shumë i rëndësishëm për të parandaluar të gjitha sa përmendëm. Metodat për trajtimin e venave varikoze janë disa por përpara se të propozohet njëra prej tyre pacienti duhet të vlerësohet nga një mjek specialist vaskular.

Metoda më e vjetër e trajtimit është kirurgjia. Me këtë metodë bëhet ndarja e venës safena të sëmurë nga venat e thella me një prerje në rrëze të kofshës ose pas gjurit, me anë të të cilës realizohet heqja e të gjithë venës safena në kofshë e ndonjëherë edhe në kërci me një sondë kirurgjikale nën lëkurë dhe heqjen e degëve varikoze me prerje të një pasnjëshme në zonën ku lokalizohen varicet e dukshme. Si çdo procedurë kirurgjikal, edhe kjo aplikohet duke përdorur anestezi dhe pason me ditë qëndrimi në spital. Rikuperimi pas operacionit kërkon disa ditë, ndonjëherë edhe disa javë gjatë, gjatë të cilave gjymtyra e operuar mbahet e fashuar me bende elastike. Në Spitalin Hygeia Tiranë trajtimi kirurgjikal I venave varikoze aplikohet në ato raste kur varicet ose vena safena janë shumë të zgjeruara dhe metodat e tjera miniinvazive nuk gjejnë aplikim.

Metodat më të aplikueshme dhe më bashkëkohore që përdoren rëndom sot në botë për trajtimin e venave safena të sëmura janë metodat termike. Këto metoda realizohen duke aplikuar vetëm anestezi lokale dhe kalimin e një sonde në venën safena të sëmurë e cila bën djegien me energji termike të murit të brendshëm të venës, duke bërë të mundur që vena të mbyllet dhe në të të mos kalojë më gjak.

Ne në spitalin HYGEIA disponojmë dhe aplikojmë trajtimin e venave varikoze me Radiofrekuencë që është një nga metodat termike më të provuara, më efikase dhe me më pak dhimbje pas ndërhyrjes.

Trajtimi i venave varikoze me Radiofrekuencë

Jo më kirurgji, dhimbje dhe ditë të gjata rikuperimi, tashmë, në sajë të procedurës mininvazive me Radiofrekuencë, për vetëm 35 minuta këmbët tuaja janë përsëri të shëndetshme dhe të bukura, dhe brenda ditës ju i riktheheni aktiviteteve tuaja ditore.

Në spitalin Hygeia kjo procedurë u realizua me sukses nga Dr. Bledar Hodo, mjek kardiokirurg & kirurg vaskular.

Për të rezervuar takimin tuaj me mjekun, kontaktoni në numrin: 00355 4 23 90 000