Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Trau i Rrugës së Kombit nuk është i një koncensionari, por postbllok si i bandave të ’97-ës”

Politiko 16 Shtator 2018, 10:43

“Trau i Rrugës së Kombit nuk është i një

Aktivisti i shoqërisë civile, Endri Shabani, i doktoruar në Universitetin e Oxford-it në Britaninë e Madhe, ka qenë kundërshtar i zëshëm i tarifimit të udhëtarëve në Rrugën e Kombit, duke mbështetur protestën e kuksianëve. Në një intervistë për Politiko.al ai thekson se duhet reaguar sërish dhe jep tri arsye se pse Rruga e Kombit nuk është çështje vetëm e kuksianëve, por e gjithë shqiptarëve, duke qenë se është pasuri publike.

Politiko.al

1 -Të hënën koncensionari i Rrugës së Kombit ul traun dhe fillon pagesat. Si e ndikon ky vendim jetesën e banorëve të Kukësit, por edhe vizitorëve nga Kosova?

Si fillim, ky nuk është vetëm një problem i banorëve të Kukësit, por i të gjithë shqiptarëve, sepse ajo rrugë është pasuri publike, për ndërtimin e të cilës kemi paguar të gjithë. E ndërkohë që e kanë ndërtuar qytetarët, Rama ia dhuron një oligarku. Ky i fundit do na detyrojë për të kalojmë në një rrugë që as e ka ndërtuar vetë, as e ka blere dhe (me shumë gjasë) as nuk ka për ta zhvilluar. Ky nuk më ngjan me një koncesionar, por me maskat e vitit 1997 që ngrinin postblloqe nëpër rrugët interurbane dhe kërkonin para nga kalimtarët.

Së dyti, vërtet qeverisë i duhen para për të mirëmbajtur rrugën, por shqiptarët e paguajnë ndërkohë dy herë taksën e rrugës, një herë si taksë vjetore më vete, dhe një herë te çmimi i naftës. Nëse qeveria i ka bërë këto para rrush e kumbulla, kjo nuk është arsye për t’i taksuar shqiptarët për herë të tretë. E sikur kjo të mos mjaftonte, tani do të na taksojë për herë të katërt, duke na detyruar që të paguajmë fitimin e koncesionarit, pasi traun nuk është se po e vendos Ministria e Transporteve, por një privat që ka synimin të maksimizojë fitimin.

Së treti, kjo është një rrugë strategjike për shumë arsye. Ndërpret izolimin e kahershëm që veriu i Shqipërisë ka vuajtur pikërisht prej infrastrukturës së dobët. Lidh Shqipërinë me trevat Shqiptare dhe mban gjallë kohezionin social mes shqiptarëve. Eshtë rrugë kyçe për shkëmbimin ekonomik të Shqipërisë me rajonin dhe lidhet me dy nga portet kryesore në vend. Por, gjithashtu është një rrugë nga ku vijnë pjesa më e madhe e turistëve që hyjnë në Shqipëri. Për të gjitha këto arsye, buxheti i shtetit duhet ta përballonte vetë mirëmbajtjen e kësaj rruge, pasi përfitimi është shumëplanësh.

Së fundi, kur thashë që koncesionari nuk ka për ta zhvilluar, nuk kisha parasysh vetëm koncesionarët e tjerë që vetëm i kanë rrjepur pasuritë publike, por i referohem faktit që ky koncesionar nuk ka denjuar as të ndërtojë disa sportele përgjatë rrugës për ta ndarë atë në segmente të ndryshme, siç ndodh në vendet e tjera kur ka rrugë me pagesë. Kjo pastaj bën që ata kuksianë që jetojnë në periferi të qytetit, dhe të cilët të gjitha shërbimet i marrin në qytet, të paguajnë tarifën e plotë të rrugës sa herë që dalin nga shtëpia, paçka se përdorin vetëm një fraksion të vogël të rrugës. Mos harrojmë se flasim për një vend që nuk ka transport të mirë interurban, dhe për pasojë makina është i vetmi mjet transporti për zona të tilla.

2-Ju jeni shprehur dhe keni mbështetur protestën e fortë të kuksianëve, a do të kemi një reagim tjetër të tyre, dhe a duhet mbështetur nga shoqeria civile dhe opozita?

Kuksianët bënë pjesën e tyre. Ata u ngritën për problemin që iu ra dhe iu desh të përballen me një raprezalje policore. Rrëmbimi i protestuesve në mes të natës nga policia dhe Prokuroria, apo ashpërsia e dënimit nga gjykata, të kujtojnë kohërat e errëta të diktaturës Hoxhiste.

Tani, ata protestuan dhe qeveria u zbyth, por vetëm përballë tyre. Për pasoje nuk është çudi që ata të kenë më pak arsye për të protesuar këtë herë. Megjithate, e përsëris që kjo nuk është një çështje lokale e kuksianëve, por një problem që na takon të gjithëve që ta zgjidhim. Nga njëra anë sepse ajo rrugë është pronë e të gjithë shqiptarëve, dhe nga ana tjetër sepse aty qeveria thjesht po vendos precedentin që kërkon ta shpërndajë në të gjithë rrugët e vendit, që për ironi janë ndërtuar nën qeverisjen e dikujt tjetër.

3-Konçensionari i ka ‘mbytur’ në reklamë televizionet, duke neutralizuar kështu rezistencën mediatike; a shpjegon kjo një përgjumje që ka në raport me përpjekjen e dytë për tarifim të udhëtarëve apo është ulja e çmimit nga konçensionari?

Nuk është ndonjë gjë e re që mediat në Shqipëri nuk janë të lira. Kjo që ju theksoni është vetëm një prej rasteve ilustruese, se si po qeveriset vendi. Kryeministri transferon në xhepat e privatit një pasuri publike, dhe privati përdor një pjesë të kësaj pasurie për të blerë mediat, të cilat pastaj angazhohen për të na bindur se mbreti nuk është lakuriq.