Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Tre luftërat e vetme të shqiptarëve për shqiptarët, Alfred Moisiu: Ata që i mohojnë janë vetëshkatërrues të kombit

Politiko 20 Prill 2019, 13:25
Tre luftërat e vetme të shqiptarëve për shqiptarët,

Ish-presidenti i Republikës, Alfred Moisiu thotë se debati për luftën Nacional-Çlirimtare duhet mbyllur një herë e mirë pasi kjo luftë është një ndër tre luftërat e vetme ku shqiptarët kanë luftuar për veten e tyre. Moisiu nënvizon në ‘Ora News’ se duhet ndarë lufta që bënë partizanët me atë çfarë ndodhi më pas me diktaturën, pasi nëse mohohet atëherë do jemi ne vetëshkatërruesit e kombit.

"Nuk ia vlen të merresh me budallalliqe sepse faktet janë fakte dhe më shumë për këtë flasin ata që e kanë me të dëgjuar sesa me kurriz, sepse kam qenë vetë pjesëtar, pavarësisht për moshën. Famija jonë "kërkohej me qiri" nga fashistët, nazistët dhe bashkëpunëtorët e tyre dhe kemi shpëtuar për mrekulli vetëm se Kavaja kishte deriçka njëra pas tjetrës. E tregoj këtë për të thënë që ne shqiptarët gjithë jetën historikisht kemi luftuar. Por kemi luftuar për bizantin,romakët, osmanët, Napoleon Bonapartin, vetëm për veten tonë shumë pak. Tre raste janë që shqiptarët kanë derdhur gjak për interesat e tyre. Koha e Skënderbeut, një periudhë e lavdishme ëq e përmend gjithë bota. Gjatë Luftës së Dytë Botërore, - që edhe të dërguarit e perëndimit që ishin këtu e kanë shkruar troc që partizanët luftojnë pjesa tjetër bashkëpunonin me gjermanët dhe italianët dhe UÇK bëri luftën e saj.  Edhe këtë luftë duam ta hedhim në kosh?! Honore dë Balzak thotë: Ata që mohojnë të parët, janë vetëshkatërruesit e kombit. Dhe ne po të vazhdojmë kështu vërtet do të shkatërrojmë kombin tonë. Duhet ndarë lufta me çfarë ndodhi pas diktaturës. Janë gjëra krejt të ndryshme. Në luftë u fut i madh e i vogël, fshatari, studenti, punëtori... Janë bërë sakrifica që edhe ne që  kemi qenë pjesëtar të saj na dukej e çuditshme si i kemi përballuar këto gjëra”, thotë Moisiu.

Të fundit