Flash News

Bëri një gjilpërë tek ambulance e lagjes, humb jetën e moshuara në Lushnjë

Pas Tiranës, KAS vendos edhe hapjen e kutive të votimit në Dibër

Saga e vrasjeve, Alibej: Nisi pasi dhashë vendndodhjen e Talo Çelës

Ndeshja Shqipëri-Serbi/ Tirana në “blindim total”: 2000 efektivë policie, kontrolle antidronë dhe kufizime të trafikut

Etel Haxhiaj sfidon policinë amerikane gjatë arrestimit të një emigranti, akuzohet për sulm

KRYESORE

Tritol e kapsolla në një kompani në Durrës, arrestohet menaxheri, në kërkim pronari

Politiko 1 Korrik 2018, 12:17
Tritol e kapsolla në një kompani në Durrës, arrestohet

Policia e Durrësit ka sekuestruar një  sasi lënde plasëse në një kompani që merret me prodhimin e profileve plastike.

Në sajë të operacionit, policia arrestoi menaxherin e firmës dhe shpalli në kërkim pronarin italian.

Njoftimi i plotë:

Gjatë kontrollit të ushtruar në një kompani sekuestrohen pako tritoli me kapsolla të montuara.

Arrestohet në flagrancë një shtetas dhe shpallet në kërkim një shtetas italian.

Specialistët kundër Trafiqeve në Drejtorinë Vendore të Policisë Durrës, në bazë të informacioneve të siguruara në rrugë operative, kanë goditur një rast trafikimi të armëve dhe municioneve ku kanë sekuestruar pako të dyshuara me lëndë tritol.

Gjatë kontrollit të ushtruar në një kompani, e cila merret me prodhimin e profileve plastike në një kovë plastike me bojë kanë gjetur dhe sekuestruar:

• 4 pako të mbështjella me lëndë plasëse të dyshuar tritol, ku secila pako ishte e lidhur me dy fije teli të veshura dhe me kapsolla të montuara.

U arrestua në flagrancë menaxheri i firmës, shtetasi Agron Kryeziu, 28 vjeç, banues në Durrës.

Është shpallur në kërkim dhe po punohet për kapjen e pronarit të kompanisë, shtetasi italian E.B. 43 vjeç.

Po punohet për sqarimin e rrethanave të tjera të veprës penale dhe personave të tjerë të përfshirë në këtë aktivitet kriminal.

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale "Trafikimi i armëve dhe i municionit",

" Fshehja e të ardhurave",

" Punësimi i paligjshëm "

parashikuar në nenet

278/a , 278/5, 180 dhe 170/a të Kodit Penal.

Të fundit