Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Trokasin derë më derë për të imponuar besimin e tyre", Frendo flet për sektet pas horrorit në Kombinat: Përfitojnë nga injoranca fetare

Politiko 8 Korrik 2020, 16:10

"Trokasin derë më derë për të imponuar besimin e

Monsinjor George Frendo është shprehur se ngjarja e rëndë e Kombinatit hodhi dritë mbi dallimin që kanë fetë nga sektet. Në një intervistë për News 24, Frendo shprehet se kjo është pikërisht ajo që bëjnë sektet, i nxjerrin shprehjet jashtë kontekstit.

“Kam lexuar edhe tekstet e gjetura atje, por duhet të dallojmë shkrimin e sekteve dhe ato të Biblës, shkrimi i shenjtë. Sektet e marrin një tekst jashtë kontekstit, injorojnë shumë të tjera. Kur Jezusi thotë: Ai që beson në mua do këtë jetë të pasosur dhe unë do ta ngjall. Pra, marrin vetëm këtë pasazh, ky është gabimi i këtyre sekteve marrin një tekst jashtë kontekstit dhe e interpretojnë sipas bindjeve të tyre”, sqaroi ai.

Sipas Monsinjor George Frendo sektet bëjnë propagandë duke përdorur besimin në Shqipëri dhe e gjithë kjo vjen për shkak të injorancës fetare.

“Ekzistojnë po. Të mos harrojmë që këtu për gati gjysmë shekulli ishin të ndaluara besimet. Këtu disa kanë përfituar nga injoranca fetare dhe kanë ardhur këtu në Shqipëri, trokasin derë më derë dhe duan të imponojnë besimin e tyre. Pra dhe kur gjejnë njerëz të dobët i bindin për besimet e tyre, jo të saktë dhe jo të vërtetë”.

Frendo shprehet se “pre” e këtyre grupeve bien personat vulnerabël, të cilëve iu ndodh pikërisht ajo që në gjuhën e përditshme ne e etiketojmë si “lavazh truri”.

“Po, ata kanë një mënyrë që tërheqin vëmendjen e personave vulnerabël. Fillimisht nuk e tregojnë doktrinën e tyre të çuditshme por të vënë në dyshim doktrinën tënde, ti që je katolik, mysliman apo ortodoks. Pastaj të tregojnë atë që sipas tyre thonë se është e vërteta. Ata përmendin Biblën dhe Jezu Krishtin por e interpretojnë sipas mënyrës së tyre. Ne besojmë tek Jezu Krishti, i biri i Zotit që është njeri, ata nuk e besojnë këtë gjë. Sipas Kushtetutës ata kanë të drejtë të vijnë në Shqipëri por nuk janë besime të pranuara zyrtarisht nga shteti shqiptar. Dëshiroj të përfitoj nga rasti dhe të them se duhet edhe ndihma e gazetarëve, ju keni një rol shumë të rëndësishëm me shoqërinë, dëshiroj që të gjithë të kuptojnë që roli nuk është vetëm informimi, por duhet edhe të edukojmë ndergjegjet e njerëzve. Këto sekte që kërkojnë vazhdimisht anëtarë të rinj, mund të cenoje edhe marrëdhënie shumë të mira që kanë ekzistuar këtu mes besimeve fetare”, ka thënë ndër të tjera Frendo.