Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Trump letër Ramës: Faleminderit për ekspozimin e ndikimit malinj të Kinës; kërkesë për zhvendosjen e ambasadës suaj në Jeruzalem

Politiko 2 Tetor 2020, 08:38

Presidenti i SHBA, Donald Trump i ka dërguar një letër mirënjohje kryeministrit Rama për qëndrimet e shtetit shqiptar mbi disa çështje ndërkombëtare. Lajmi u bë me dije nga kryeministri Rama, i cili përmes një postimi në rrjetet sociale ka zbuluar përmbajtjen e letrës, duke iu uruar qytetarëve ditë të mbarë.

Në letrën e tij, Trump falënderon Ramën për qëndrimin ndaj ekspozimit e ndikimit të Kinës, duke e nxitur atë të largohet nga marrëveshja e formatit "17 + 1" dhe të angazhohet më shumë në nismën e "Tre deteve", marrëveshje e iniciuar nga administrata amerikane për rrjetet e sigurta të telekomunikacionit.

Po ashtu, Trump i kujton Ramës edhe marrëveshjen Kosovë-Serbi, për të cilën fton Shqipërinë t’i bashkohet SHBA-ve në zhvendosjen e ambasadës suaj në Jeruzalem.

Postimi i plotë i Ramës:

MIRËMËNGJES 😊

dhe me këtë letër që mora mbrëmë nga Presidenti i Shteteve të Bashkuara, ju uroj një ditë të mbarë😍

I dashur Z. Kryeministër:

Në emër të Shteteve të Bashkuara të Amerikës, unë dua t’ju falënderoj juve për lidershipin e Shqipërisë në rajonin e Ballkanit dhe nëpër Europë, për ekspozimin e ndikimit malinj të Kinës, abuzimet me të drejtat e njeriut dhe praktikat grabitqare të huazimit.  Mbështetja juaj e hapur për rrjetet e sigurta të telekomunikacionit po jep një shembull të fortë dhe shpresoj që Shtetet e Bashkuara dhe Shqipëria të mund të nënshkruajnë së shpejti një Memorandum Mirëkuptimi mbi sigurinë 5G, i cili hap rrugën që edhe vendet e tjera në Ballkan të bëjnë të njëjtën gjë. Jam gjithashtu i kënaqur nga roli i fortë i Shqipërisë në Nismën e Tre Deteve – një alternativë transparente, e bazuar në treg dhe e drejtë, e formatit Kina 17 + 1 prej të cilit unë ju nxis të dilni.

Unë dua t’ju falënderoj që e keni mbështetur normalizimin ekonomik midis Serbisë dhe Kosovës dhe për mbështetjen tuaj të fuqishme të Marrëveshjeve të Abrahamit, hapi më domethënës drejt paqes në Lindjen e Mesme për këtë gjeneratë. Ju inkurajoj që t’u bashkoheni Shteteve të Bashkuara dhe të tjera kombeve evropiane në zhvendosjen e ambasadës suaj në Jeruzalem.

Sinqerisht.

Të fundit