Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Trump mbledh ekipin e sigurisë kombëtare, përgatit sanksione të tjera kundër Koresë së Veriut

Politiko 3 Shtator 2017, 18:45
Trump mbledh ekipin e sigurisë kombëtare, përgatit sanksione

Presidenti amerikan, Donald Trump do të mbledhë sot ekipin e tij të sigurisë kombëtare pas njoftimit për një test tjetër bërthamor të kryer nga Koreja e Veriut, ndërkohë që njoftoi dhe përgatitjen e sanksioneve të reja.

“Ekipi i sigurisë kombëtare po ndjek nga afër këtë çështje”, theksoi Sarah Huckabee Sanders, zëdhënësi i Shtëpisë së Bardhë duke shtuar se një takim me presidentin ishte parashikuar.

Në një sërë mesazhesh në rrjetin social Twitter, Trump dënoi edhe një herë aktet armiqësore dhe të rrezikshme nga Pheniani dhe gjykoi se politika e pajtimit përballë regjimit të Kim Jong-Un ishte një dështim.

Në të njëjtën kohë, sekretari i Thesarit, Steven Mnuchin përmendi sanksione të reja në të ardhmen.

“Do të përgatis një sërë sanksionesh që do t’ia paraqes presidentit”, njoftoi ai në stacionin televiziv “Fox News”.

Në fillim të gushtit, Këshilli i Sigurimit të OKB-së miratoi një sërë sanksionesh të tjera që synonin privimin e Koresë së Veriut nga një miliardë dollarë të ardhura nga eksportet e karbonit, hekurit dhe peshkimit.

Të fundit