Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Trump-Zelensky/ Zbardhen tekstet komprometuese, cila ishte marrëveshja që diplomatët amerikanë bënë me presidentin ukrainas

Politiko 4 Tetor 2019, 12:37

Sipas disa dokumenteve të publikuara të enjten mbrëma, diplomatë amerikanë i kanë thënë presidentit të Ukrainës, Volodymyr Zelensky, se do t’i mundësohej një vizitë tepër e rëndësishme me presidentin Donald Trump, nëse ai bënte një deklaratë publike ku zotohej të hetonte kompaninë e Hunter Biden, të birit të kundërshtarit të Trump, Joe Biden.

Kështu shkruan e përditshmja britanike ‘The Guardian’, sipas së cilës këto dokumente që janë lëshuar nga tre komisione të kongresit, përmbajnë disa seanca dëgjimore, të cilat flasin për një marrëveshje të mundshme mes Trump dhe Zelensky.

Në tekstet e bëra publike thuhet se diplomatët amerikanë e sqaruan presidentin ukrainas se çdo përmirësim i marrëdhënieve të Kievit me Uashingtonin do të varej nga bashkëpunimi i Zelenskiy-t në përpjekjen e Trump për të gjetur materiale të dëmshme për djalin e kundërshtarit të tij kryesor politik, dhe për demokratët në përgjithësi.

Tekstet janë shkëmbime nga korriku deri në fillim të shtatorit midis tre diplomatëve amerikanë - Gordon Sondland, ambasadori në Bashkimin Evropian, Kurt Volker, i dërguari i atëhershëm special në Ukrainë dhe Bill Taylor, ushtruesi i detyrës së ambasadorit në Kyiv. Avokati personal i Trump, Rudy Giuliani dhe një ndihmës i Zelenskiy, Andrey Yermak, gjithashtu janë pjesë e një paraqitje të shkurtër të kësaj korrespondence.

Bisedat nuk lënë dyshim se departamenti i shtetit ishte thellësisht i përfshirë në përpjekjet për të përdorur zyrën e presidencës për të bërë presion ndaj një qeverie të huaj, për të hetuar kundërshtarët politikë të Trump. Madje diplomatët hartojnë edhe një deklaratë që Zelenskiy ta lexojë.

Kujtojmë se grupi hetimor i Shtëpisë së Bardhë ka gjetur së fundmi disa biseda komprometuese mes presidentit të SHBA dhe atij ukrainas, pasi përgjuan telefonin e Trump.

Presidenti amerikan reagoi ashpër ndaj këtij hetimi, duke e cilësuar si të padenjë, jo profesional dhe madje të rrezikshëm, pasi mund të çonte në krijimin e një grushti shteti në Ukrainë.

Të fundit