Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

U ekzekutua në atentat në qendër të Shkodrës, kush është biznesmeni Fatos Ferracaku

Politiko 14 Nëntor 2018, 12:00
U ekzekutua në atentat në qendër të Shkodrës, kush

Ditën e sotme në lagjen ‘Rus” në Shkodër u vra në një atentat me armë zjarri një person dhe një tjetër mbeti i plagosur.

Sipas të dhënave të deritanishme, viktima është identifikuar me emrin Fatos Ferracaku, ndërsa bashkë me të u plagos edhe Fatmir Mehja, teksa të dy po pinin kafe në një lokal.

Sipas burimeve të para, Ferracaku njihej si një tregtar peshku dhe e zhvillonte aktivitetin e tij në Merkatën e Peshkut në Shkodër.

Po ashtu, referuar edhe nga i njëjti mbiemër policia po heton edhe në një tjetër pistë, pasi dyshohet se mund të ketë lidhje me vrasjen e biznesmenit Arjan Ferracaku  në shtator të këtij viti.

Kjo edhe për faktin se viktima njihet si kushëri i tretë i Arjan Ferracakut.

Pista kryesore ku janë përqendruar hetimit e Policisë, lidhet me një ngjarje të një viti më parë. Arjan Ferracaku dhe familja e tij janë pronarë të Hotel “Fantazia” në Shkodër dhe një vit më parë janë përfshirë në një konflikt me biznesin fqinj. Konflikti sipas burimeve nga Policia e Shkodrës ka qenë i përmasave të mëdha pranë këtij hoteli, i cili ndodhet pranë Urës së Bunës, aq sa është dashur ndërhyrja e Policisë.

Gjithashtu dyshihet se ndaj Arjan Ferracakut të jetë vendosur gjobë nga një grup kriminal në Shkodër i cili është shumë aktiv kohët e fundit. Por kjo gjobë jo vetëm nuk është paguar nga 30-vjeçari, por ai madje as nuk e kishte marrë parasysh. Vrasja e Arjan Ferracakut sipas të dhënave nga grupi hetimor, besohet se është ndërmarrë nga një grup kriminal, i mirëstrukturuar në Shkodër.

Ndërkohë, policia konfirmon se pak minuta më parë është gjetur edhe një motoçikletë e djegur në zonën e Livadheve, që mendohet se u përket dy autorëve.

Kujtojmë se ngjarja ndodhi një ditë pasi zëvendësministri i Brendshëm, Sander Lleshaj zhvilloi një takim me drejtuesit e policisë në Shkodër në kuadër të një turi në të gjithë vendin.

Të fundit