Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

U gjakos në përleshje me policinë, Spaho jep detaje nga salla e gjyqit: Fakte skandaloze, mes të arrestuarve edhe një invalid

Politiko 4 Prill 2018, 11:19

U gjakos në përleshje me policinë, Spaho jep detaje nga salla e

Deputeti i PD, njëherësh kreu i grupit parlamentar i PD, Edmond Spaho vijon të ndjekë bashkë me një pjesë deputetësh të opozitës seancën e 23 të arrestuarve për protestën në Rrugën e Kombit.

Spaho është njëri nga deputetët që mbeti i lënduar në përleshje me policinë, pasi këta të fundit nuk i lejuan të hyjnë në sallën e gjyqit.

Ndërsa seanca vijon që prej mëngjesit, Spaho nxjerr fakte të reja nga të arrestuarit, për të cilët janë zhvilluar disa protesta deri tani për lirimin e tyre.

Sipas Spahos, nga kjo seancë po dalin fakte skandaloze lidhur me sjelljen e policisë. Sipas tij, të maskuar dhe armatosur i kanë terrorizuar në orën 03.00 të mëngjesit duke arrestuar edhe të sëmurë dhe persona paraplegjikë.

Madje, ata që kanë sulmuar në protestë, janë provokuar fillimisht nga policia.

“Nga sa po degjojme nga te ndaluarit e Kuksit ne sallen e gjyqit po dalin fakte skandaloze per sjelljen e policise. Jane marre ne ora tre te nates, me maska, eshte ushtruar dhune duke lemerisur femijet e te ndaluarve. Shumica te papune, disa te semure me semundje kronike ose kane femije te semure madje edhe te paralizuar. Nje nga te ndaluarit eshte paraplegjik me karroce dhe e akuzojne qe ka "ushtruar" dhune nga karroca. Nje tjeter i papune ka gruan dhe vajzen te semura te cilat i sjell disa here ne jave ne Tirane per te marre sherbim shendetesor. Cdo here qe vjen ne Tirane ketij fukarai i duhet te paguaje 10 euro. Nje te ndaluar tjeter e akuzojne se ka ofenduar lartmadherine e tij Edi Rama prandaj edhe eshte ne burg.

Dy te ndaluar per te cilet prokuroria ka kerkuar arrest me burg rezulton qe nuk kane qene ne proteste. Njeri verteton madje me foto qe ka qene ne kafe ne ate ore ne Kukes kurse tjetri deklaron qe e kane marre ne ora tre te mengjesit me duar ngritur lart megjithese ai ju thoshte qe nuk kam qene ne proteste por duhet te me keni ngaterruar me ndonje tjeter.

Te ndaluarit akuzojne se policia i provokoi duke i goditur me shkopinj gome dhe me pas edhe me gure.

Te gjithe te ndaluarit jane ndaluar pa dokumentacion, prokuroria e "reformuar" ka plotesuar letrat 24 ore me vone duke genjyer se jane arrestuar ne oren 10 te mengjesit. Per asnje prej tyre nuk ka prova individuale se per cfare akuzohen. Te gjithe te ndaluarve ju ka kaluar afati 48 ore i shoqerimit dhe prokuroria dhe gjykata i mbajne te arrestuar ne menyre te jashteligjshme. Ata duhet te ishin liruar dje. Prokuroria fare qarte eshte kthyer ne vegel qorre te Edi Rames. Te shikojme gjykaten”, shkruan Spaho.