Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

U gjobit për shpifje ndaj Nikollës, reagon ish deputeti: Pak ndryshim në deklaratat e mia për ish ministren

Politiko 8 Prill 2019, 16:15

U gjobit për shpifje ndaj Nikollës, reagon ish deputeti: Pak ndryshim

Pasi Gjykata e Tiranës e ka gjobitur me 70 mijë lekë për shpifje ndaj ish ministres së Arsimit Lindita Nikolla, ka reaguar ish-deputeti i Partisë Demokratike, Luçiano Boçi.

Përsa i përket vendimit të gjykatës, Boçi shprehet se ishte terësisht politik, ndërsa shton se vazhdon të mendojë se ish ministrja Nikolla është jo thjesht e paaftë, por super e paaftë, e papërgjegjshme dhe e korruptuar.

Postimi i plotë:

Nuk jam i surprizuar nga vendimi i gjyqtarit sot. Ishte nje vendim i shkruar para se të merrej e lexohej. I shkreti, akoma nuk e ka kaluar vettingun politik të organizatës bazë të Partisë që përzgjedh besnikët. Si i tillë ishte një vendim i pastër politik.

Jetojmë ditët e regjimit të norko-politikës dhe kuptohet. Dënohesh për Agjitacion-Propagandë të bërë kundër udhëheqjes dhe nuk është çudi. Aq më tepër Vendimi nuk ka qenë tek e fundit, i tij.

Është i vetë Ramës, i cili trysnon sot dhe imponon shumë vendime në raport me kundërshtarët e tij politikë dhe në raport me aleatët e tij kriminalë. Sot në Shqipëri dënohesh shumë lehtë e shpejtë pse denoncon, pse thua të vërteta, pse proteston, pse kërkon të drejta.

Po të bësh krim, korrupsion, trafik droge, pastrim parash të pista, vrasje nuk të gjen gjë as nga policia as nga Rama, as nga drejtësia “e re” e kapur prej tij. Madje venerohesh e gradohesh.

Ne sollëm të gjitha argumentat e duhura e bindëse për çdo lexues ligji e jo më për një specialist. Vendimin do ta apelojmë. Deri atëhere, Lindita mund të shkojë të krihet nja dy herë tek parrukieri, se një e krehur aq i bën, sa gjysma e dënimit, me shpresë se do i bëjnë telefon e trysni dhe Apelit.

Sa për deklarimet e mia i them dhe njëherë botërisht, me pak ndryshim. Ish Ministrja e arsimit me mesataren 5.8, nuk është thjeshtë e paaftë. Është super e paaftë. Ish Ministrja e shkatërrimit të Arsimit, nuk është thjeshtë e papërgjegjshme. Është super e papërgjegjshme. Nuk është e korruptuar, por super e korruptuar.

Këtë ia dëshmuan 140 mijë studentë më protestën e tyre, që i rrethuan ministrinë një muaj rresht dhe e shkulën nga karrigia. Ia thanë prindërit e Shqipërisë që morën me vonesë dëftesat e 340 mijë fëmijëve të tyre. Ia thonë çdo ditë 34 mijë mësuesit që janë mashruar disa herë rresht nga deklarimet e saj.

Padrejtësia që sundon sot, zhbëhet duke rrëzuar juntën e vjedhësit Ramë të votave, të shpresës e së ardhmes!